Tue20210119


للحرب يبني طلعت

جليل الكربلائي

عدد التحميلات
1181
كود المدونة او الموقع
لإضافة مقطع للحرب يبني طلعت بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
للحرب يبني طلعت - جليل الكربلائي
تاريخ الاضافة
2011-10-18 08:40:50
عدد الاستماعات
203
المدة
00:16:41
عدد التحميلات
1181
نص هذا المقطع

قصيدة : لـلحرب  يبني اطلعت

للشاعر : الأديب الحاج جابر الكاظمي

الرادود : الحاج ملا جلیل الکربلائي

لـلحرب  يبني اطلعت .... للخيم ليش ارجعت
بيدك  السيف  و روح .... يبني و يار وح الروح
لــلــخــيــم  لـيـش  ارجـعـت
******
نـعـرض  صـور للفاجعه ابعين المصيبه انشاهد
مـوقـف حزن بالطف حصل بين الولد و الوالد
مـن  راح  لـكـبر للحرب و الغايه راد ايجاهد
سـاعات  لن رد للخيم و ما ندري شنهو اشرايد
و أبـو الـيـمه انشاهده .... لبنه صار يناشده
ردتـك  تشيد اصروح.... يبني و يار وح الروح
لــلــخــيــم  لـيـش  ارجـعـت
******
جـاوبـه الأكـبـر و الدمع من النواظر جاري
يـا بـويـه جيت امن الحرب يشهد علي الباري
و  أديـت  مـرسـوم الوفه تعلم ابحالي و داري
لـجـن هـدم حيلي العطش شيطفي جمرة ناري
جـاوبه  احسين ابحزن .... اشرب ادموع الجفن
و دمـع الجفن مسفوح.... يبني و يار وح الروح
لــلــخــيــم  لـيـش  ارجـعـت
******
يـبـنـي يا الأكبر يا أمل روحي و أمل وجداني
طـلـع  لـسـانك يولدي و خليه فوق إلساني
بـلـجـن يـلـكبر ترتوي و عني تخف أحزاني
ابـرجـعـتـك  يبني هيجت حزني و جمر نيراني
و ضـاميه اقلوب الحرم .... و انت تدري بالخيم
وشـجم  قلب مجروح.... يبني و يار وح الروح
لــلــخــيــم  لـيـش  ارجـعـت
******
مـثـلـك يـلكبر منعطب قلبي و دمعتي تجدي
عطشان أشوفك يا وسف و لا ماي يحصل عندي
لو ترضه أعصر مهجتي و تشرب عذب من جبدي
ارجـع يـلـكبر للحرب و اتروه ابكوثر جدي
و  حـيلي  يوليدي انهدم .... و بالقلب نار الألم
و لـيك النظر مشبوح.... يبني و يار وح الروح
لــلــخــيــم  لـيـش  ارجـعـت
******
يـبـني و مسرت خاطري و روحي ابسند أيامي
مـو  سـهله  أنظر حالتك تطلب الماي و ضامي
انـجـمـعت يا الأكبر بالقلب آلامك و آلامي
خـلـيـنـي أنـظر جثتك فوق الترب جدامي
لـلأجـل  حـان  الوعد .... اشتنتظر يبني بعد
هاك  إخذ صوت النوح.... يبني و يار وح الروح
لــلــخــيــم  لـيـش  ارجـعـت
******
رفـرف إجـنـاح النايبه و انفرش فوق المصرع
يـولـيـدي  اطـلع للحرب اطلع يلكبر اطلع
خـلـيـني  آنه  و دنيتي و كربله و سيل المدمع
لا  تـظـن قـلبي امن الصبر عقبك يمل و يجزع
يـبني اقصد للحرب .... و خل أشوفك عالترب
و لـجل النصر مذبوح.... يبني و يار وح الروح
لــلــخــيــم  لـيـش  ارجـعـت

المرسل: السبت, 07 تشرين2/نوفمبر 2020