Mon20210412


آه يابني يالفرقاك شيبني

جليل الكربلائي

عدد التحميلات
1323
كود المدونة او الموقع
لإضافة مقطع آه يابني يالفرقاك شيبني بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
آه يابني يالفرقاك شيبني - جليل الكربلائي
تاريخ الاضافة
2011-10-18 08:40:50
عدد الاستماعات
276
المدة
00:10:53
عدد التحميلات
1323
نص هذا المقطع

قصيدة : آه  يـبـنـي آه يـبني

للشاعر : الأديب الحاج جابر الكاظمي

الرادود : الحاج ملا جلیل الکربلائي

آه  يـبـنـي آه يـبني .... يالفرقاك شيبني
حـنـيت  .... ونيت .... دم و دمع هليت
******
يـبـنـي يـلـكـبر زهرتك بعيوني أتمثلها
يرويها  دمعتي  و حسبت تكبر و أعيش ابظلها
مـا  جـنـت أدري كربله هجرانك ايذبلها
يـالـعـفـتـهـا  ....  و فـاركـتـها
و  ذبــلــتـهـا .... و نـثـرتـهـا
و  زهـرة حـيـاتـك عالترب مرميه وياك
يـا  مـالـي يا بني ساهرت راح السهر ذاك
خـيـبني .... خيبني....دهري الشوم خيبني
حـنـيت  .... ونيت .... دم و دمع هليت
******
يـبـني  يلكبر  يالجنت خيمه و كرامه و عفه
تـالـيـها  منك أنحرم يا ألف حيف ووسفه
يـا شـمـعتي الما حسبت عند الشدايد تطفه
هـذا  هـمـي .... و قـلـبـي مـدمي
و  مـنـه يـمـي .... و انـت مـرمـي
يـا  بـسـمتي و يا فرحتي و يا سلوة الروح
ابـيـا  عين  أشوفك منصرع عالغبره مذبوح
ذوبـنـي.... ذوبني .... و جمر النوح ذوبني
حـنـيت  .... ونيت .... دم و دمع هليت
******
يوليدي  صارت  فرحتي همي و نحيب و مدمع
لـيش ابدماك اتغسلت و الجفن داري المصرع
يا اللي اقطعك سيف الأجل قلبي ابهواك اتقطع
جـفـنـي سـاهـر .... فـكـري حاير
قـلـبـي صـابـر .... جـبـدي شاجر
جـمـرة مـصـابـك بـالجبد تتوجر ابنار
هـذا  الـجـرالي ابغيبتك و هذا الذي صار
صوبني  ....  صوبني .... سهم النوح صوبني
حـنـيت  .... ونيت .... دم و دمع هليت
******
اشـمـا تجري دمعات الجفن نار القلب تتوجر
مـا أقـدر أتـحـمل صبر لمصيبتك ما أقدر
اذخرتك الساعات الشدد راح الذخر يا الأكبر
ذبـنـي دهـري .... و مـنـه عـنـدي
و  هـذا ذخـري .... ادمـومـه تـجري
مـذعـوره  نـجمات السمه ابغيبتك يهلال
و الـعـالـم العلوي انفجع هاك اسمع اشقال
لـوعـني  .... لوعني .... هذا الحال لوعني
حـنـيت  .... ونيت .... دم و دمع هليت

المرسل: السبت, 07 تشرين2/نوفمبر 2020