Sun20201129


جمرة مصيبتي زيدت لوعتي

جليل الكربلائي

عدد التحميلات
1180
كود المدونة او الموقع
لإضافة مقطع جمرة مصيبتي زيدت لوعتي بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
جمرة مصيبتي زيدت لوعتي - جليل الكربلائي
تاريخ الاضافة
2011-10-17 09:54:15
عدد الاستماعات
362
المدة
00:24:46
عدد التحميلات
1180
نص هذا المقطع

قصيدة : جـمـرة امـصـيـبـتـي

للشاعر : الأديب الحاج جابر الكاظمي

الرادود : الحاج ملا جلیل الکربلائي

جـمـرة امـصـيـبـتـي .... زيدت لوعتي
ويـن  أتـجـه بـالعايله .... يا كربله يا كربله
******
آنـه الـعـلـيـل اتحملت جور الدهر و الأيام
فـوق الـمـصايب و المحن فوق المرض و الآلام
أنـظـر  يـتامه امسلبه أنظر عل الأرض أجسام
نـار الـخـيـم متلاهبه و ما ظلت اعلينه اخيام
هـذا  عـمـري انـخـتم .... بالمرض و الألم
اشحاله  الذي  ايفارق هله .... يا كربله يا كربله
******
كـل  سا مصيبه امن الدهر تفجع دليلي وايذوب
و  اسمعت أول فاجعه الأكبر اعله الترب مصيوب
و  إقـبالي شفته اعله الثره من دم النحر مخضوب
جـم لـوعه يحملها القلب أتحمل صبر جم دوب
ابـعـيـني شفته انصرع .... و آنه قلبي انفجع
و  ادمـوم الأكـبر سايله .... يا كربله يا كربله
******
و ثـاني مصيبه شاهدت جاسم عالأرض مصروع
عـريـس صـارت حـنته ابدم المنحر المقطوع
اسيوف العده ابدال الشمع صارت للزفاف اشموع
عـالموت  زفوه  العده و ذاك العرس صار ادموع
عـالـحـرب زفـتـه .... و بـالـدمه حنته
ادمـوع الـحزن متواصله .... يا كربله يا كربله
******
ثـالـث  مصيبه  اللي جرت خلت بالقلب نيران
قـالـوا لـي يـم الـمشرعه متوسد قمر عدنان
مـن عـقب عمي للحرم ما ظل خدر لا صيوان
مـصـرع قمر هاشم وسف صرنه ابولية عدوان
طـايـح ابـمـصـرعـه .... اجفوفه متقطعه
و مـنـه الـيشد الراحله .... يا كربله يا كربله
******
رابـع  مـصيبه  اتحملت ظل دمع جفني مسفوح
و  إقـبـال عيني شاهدت عبدالله الطفل مذبوح
لـمـن شفت دمعه يصب لا مهجه بقت لا روح
عقب الطفل ما ظل صبر راح أقضي عمري بالنوح
شـنـهـو ذنـب الـطفل .... بالسهم ينجتل
مـا  أنـسـه نبلة حرمله .... يا كربله يا كربله
******
خـامـس  مصيبه اللي سدت صابتني بمرام البين
و  انقطع من عندي الأمل من قطعوا وريد احسين
مـن  عقب غيبة والدي راح أنطي الوجه لا وين
يـا  كـربـله و نار الحزن ما تنطفي ابدمع العين
والـدي  اعله الترب .... و دمعه يجري و يصب
ويـه الـدمع صوتي اعتله .... يا كربله يا كربله
******
ابـدار  الغرب  راحوا هلي و عقب الأهل ما ظل
اتـحـيرت بأيتام و حرم أصرخ و الدموع اتسيل
و بـلـيـلـة الحادي عشر من هود علينه الليل
ظـلـيـنـه نتحمل غصص ما بين الزلم و الخيل
جـبـدتـي  اتـفطرت .... و لوعتي اتكاثرت
و  عـبـراتي ظلت هامله .... يا كربله يا كربله

المرسل: الأحد, 01 تشرين2/نوفمبر 2020