Tue20220927


طلعنه من مدينه يا حماي الضعينه

حمزة الصغیر الکربلائي

عدد التحميلات
218
كود المدونة او الموقع
لإضافة مقطع طلعنه من مدينه يا حماي الضعينه بصوت حمزة الصغیر الکربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
طلعنه من مدينه يا حماي الضعينه - حمزة الصغیر الکربلائي
تاريخ الاضافة
2011-06-09 00:00:00
عدد الاستماعات
133
المدة
00:20:18
عدد التحميلات
218
نص هذا المقطع

للشاعر : السيد كامل السيد عباس الموسوي


طـلـعـنـه مـن الـمـديـنـه.... يـحـمـاي الـضـعينه
إجـيـنـه  لكربله وإنتم كفلتونه... يخوتي وبالعهد والبخت جبتونه
يـحـمـاي   الـضـعـيـنـه
******
زيـنـب تـعـاتـب إخـوتـهـا وبـالـعـتـب تبذل شجيه
تگلـكـم  ويـاكـم  لـفـيـنـه لـكـربـلـه ياهل الحميه
يـاگمـر  هـاشـم بـعـهـدك وبـعـهـد روح الـزچيـه
بـيـكـم لـفـيـنـه لـكـربـله..... وإنتوا الكفلتوا العايله
والـسـفـر ويـاكـم حـلـه.... مـخـدره كـل هـاشميه
ولاواحــد عــلـيـنـه... يـحـمـايـل ضـعـيـنـه
يـصـد وعـالـمحامل تنظرعيونه..... لجل عيناكم العالم يحشمونه
يـحـمـاي   الـضـعـيـنـه
******
مـن طـلـعـنـه شـلـون طـلـعـه بـهـيبه وبعز وكرامه
هــيـبـة أسـرار الـنـبـوه وهـيـبـة أنـوار الإمـامـه
والـضـعـن حـفـت ورفـت بـيـه رايـات الـسـلامـه
بـوجـود  ابـو  الـيـمـه وهـلـه.... أهـل الفخر والمرجله
بـيـه  گطـعـت  فـجـوج الـفله.... والشرف شدوا وسامه
الـهـواشـم حـايـطـيـنـه.....يـحـمـايـل ضـعـينه
وإذا  مـايل حمل كلكم تعدلونه.... وگلب كلمن يخاف إنتم تأمنونه
يـحـمـاي   الـضـعـيـنـه
******
الـكـربـلـه  يـوم الـوصـلـنـه وصـلـت ويـانه المنايه
الـضـعـن مـن نـوّخ بـرضـهـا الـتـمـت علينه الروايه
گلـبـي حـس بـالـغـربـه بـيـهـا يـخـوتي بأول بدايه
وچنـي أتـصـور غـربـتـي.. بـالـغـاضـريـه وبـضيعتي
بـفگد الـهـواشـم وإخـوتـي.....يـاوسـف هـاي النهايه
بــعـدكـم مـا دريـنـه... يـحـمـايـل ضـعـيـنـه
حـرم وبـديـرة الغربه تخلونه.... عگب ذاك الخدر والعز تضيعونه
يـحـمـاي   الـضـعـيـنـه
******
يـخـوتـي بـعـزكـم ربـيـنـه والـخـدر هـالـيوم يومه
شـلـون نـبگه ويـه الأعـادي وإنـتـم عـلـى الترب نومه
جـثـث مـتـعـفـره بـدمـهـا والـغـسـل ذاري الحومه
مـاچنـت أظـن هـذا الـمـظـن..... لا غسل يحصل لا چفن
وآنـه الـذي أتـكـلـف ضـعـن .... والگلب كثرت همومه
عـلـى الـمـاضـي شـبـديـنـه.... يـحـمـايـل ضعينه
أمر باري السمه لازم تأيدونه..... تصبرون على كل حكمه وتنفذونه
يـحـمـاي   الـضـعـيـنـه
******
إنـتـوا  أديـتـوا الـعـلـيـكـم وإحـنـه واجـبنه العلينه
بـالـصـبـر  إلـكـم نـواشـي بـكـل مـصيبه اللي تجينه
بـحـرگ الـخـيـام وسـلـبـنـه لـو هـضـمنه لو سبينه
واسـتـكـم  عـلـى  الـلـي جـره.... بـالصبر كل مخدره
الـعـبـره بـصـدرهـا نـكـسـره....هاي حالة كل حزينه
تـحـاذر مـن ونـيـنـه..... يـحـمـايـل ضـعـيـنـه
الگلب لو عدها شمات ويسمعونه...... بعضهم مابعض للفرح يبدونه
يـحـمـاي   الـضـعـيـنـه
******
يـاهـلـي هـذا الـعـلـيـه الـواجـب الأديـتـه إلـكم
شـشـد مـن هـاي الـمـصـايـب گلـبـي يتحمل بعدكم
واصـبـحـت حـرمـه وغـريـبـه من عگب عزي وخدركم
راح الـخـدر ذاك ومـضـى.... ويـاكـم الـعـز إنگضـى
والـشـامـت  شـرايـد  حـظـى.... فـرح وارتاح بچتلكم
ولــو نـعـلـن بچيـنـه.... يـحـمـايـل ضـعـيـنـه
عـلـيكم  وسف لا چن تعرفونه..... إنتجلد بالشماته لا يهضمونه
يـحـمـاي   الـضـعـيـنـه

المرسل: السبت, 25 كانون1/ديسمبر 2021
 
طلعنه من مدينه يا حماي الضعينه : حمزة الصغیر الکربلائي