Sat20211204


حنوك من دم رقبتك يابني يا محرو

حمزة الصغیر الکربلائي

عدد التحميلات
1210
كود المدونة او الموقع
لإضافة مقطع حنوك من دم رقبتك يابني يا محرو بصوت حمزة الصغیر الکربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
حنوك من دم رقبتك يابني يا محرو - حمزة الصغیر الکربلائي
تاريخ الاضافة
2011-06-09 10:32:37
عدد الاستماعات
245
المدة
00:17:13
عدد التحميلات
1210
نص هذا المقطع

قصيدة : حـنـوك  من دم رگبتك يبني يا محروم

للشاعر : المرحوم الشيخ كاظم منظور الكربلائي

الرادود : المرحوم الحاج ملا حمزة الصغیر الکربلائي

حـنـوك  من دم رگبتك يبني يا محروم .... والأمر محتوم
طـيـور  الـشـهـاده زفـتـك والـعـرس بـالجنه
******
مـن  الـحـسـن جـاسـم وديعة وعد عمامه يدللونه
ومـن وصـيـة الـحـسـن جاسم بالطفوف يعرسونه
ارد ابـشـر الـحـسـن بـابـنه وبالعرس گرت عيونه
عـجـنـت الـحـنه عمته....... وصيوان عرسه زينته
ولـن  رمـلـه تـنـده يـاخوته .... لولدي لا تزفونه
وصـيـوان  عرسه بكربله لا تنصبونه........ ولا تحنونه
مـن هـالـعـرس گلـبـي لـسـبـني وانگطع ظنه
******
بـالـخـدر هـلـهـلـت رمله وگامت تحشّم ولدها
وجـدمـت لامـات حـربـه ولـزمت المعصب بيدها
وهـلـهـل  بـوجـه التحشم نور من چوچب سعدها
نـاداهـا  هـودي وهوّدي.... يرضيچ سيفي وساعدي
حـيـاك نـادت يـولـدي.... لـهفة أمك ردها ردها
بـالـكون اريدك تثبت وتنعم عيوني ..... وخل يفجعوني
وإنـت  بـزفـاف الـنـصـر يـامـرتـوب تـتهنى
******
بـشـر  واسـتـبـشـر دلـيـلـه وانتخه لمدلول لمّه
وازهـت  بـوجـه الـفـراسـه وفـتشت وردة الهمه
وهـاجـت بـجـسـمه الحماسه وصورت عالكون دمه
ورمـلـه إنـدهـت ومهلهله ..... يا هلا بجاسم يا هلا
يـابـنـي واريـد بـكـربله.... تسر گلبي وتجلي همّه
وللحرب تلبس يا شباب الحرب لامات......سدر الغارات
وتـنـزف عـلـى الـمـيـدان يـبـنـي بليلة الحنه
******
چنـي بـحـسـيـن يـتـثـمل موقف الحره ويه بنها
وتـشـد  عـزمـه عـلـى الفراسه وتقسم عليه بلبنها
وكـثـرت  حـنـة  شـبـابـه وحـنته بدمعة حزنها
صـاح  ابـو اليمه شهالصبر...... مايهون يصعب هالأمر
يـا  رمـلـه خـليه لج ذخر...... والعرب هذي سننها
عـدهـا الوديعه تنحفظ بصبي العيون..... يارمله وشلون
عـريـسـنـه بـيـوم الـعـرس لـلـمـوت يتعنه
******
هـيـأت رمـلـه لـولـدهـا ورادت لـعرسه تشوفه
بـالـدمـع  عـجـنـت الحنه وبالنحب فرشت الحوفه
بـعـد مـا تـدري بـولـدها شصار وشعملت الكوفه
عـريـس إبـنـهـا وزفـتـه..... للوغى وتنطر جيته
رد لـهـا وبـدم رگبـتـه... جـاسم ومخضب چفوفه
صاحت مبارك يولدي بالعرس والدار..... جنه وخلد صار
والـحـور صـيـوان إلـك يـامـدلـول نـصـبنه
******
شـمـا تـجـلـد گلـب رمـله سهم المفارگ فجعها
وضـمـتـه بـحـجـر الـموده واحنت لجاسم ضلعها
وحـزمـتـه بـسـيـف الموادع وزردت درعه بدمعها
كـفـي  الـدمـع كفي الدمع... يامي ولا تحنين الضلع
ولايـكـون  گلـبچ يـنفجع....وسكني الروح بورعها
يامي وفطر چبدي الظمه وگاصد الحيدر.... يسگيني كوثر
وچنـي اشـوف الـحـور صـوب الـعـرس نسجنه
******
جـابـوا لـجـاسـم عـمـامه ومددوه بصف الأكبر
وانـخـبـط دمـه ويـه دمـه ونـورهـم گام يتبادر
طـاحـت  الـحـره عـلـى بنها وصرخت الله واكبر
حنيني من دم رگبتك حنيني... وبدال عرسك بالوفه هنيني
وحرمت  عيني النوم ياصبي عيني.....جمرتك بالگلب تسعر
ودعـتـك  الله وارشـد وراشد النيه...... للجنه الزهيه
والـحـور عـجـنـت حـنـتـك والـشمع علگنه

المرسل: الإثنين, 16 تشرين2/نوفمبر 2020