Wed20210303


ياحسين اخبرك من تحت عل قبرة

حمزة الصغیر الکربلائي

عدد التحميلات
1099
كود المدونة او الموقع
لإضافة مقطع ياحسين اخبرك من تحت عل قبرة بصوت حمزة الصغیر الکربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ياحسين اخبرك من تحت عل قبرة - حمزة الصغیر الکربلائي
تاريخ الاضافة
2011-06-09 10:32:36
عدد الاستماعات
169
المدة
00:20:25
عدد التحميلات
1099
نص هذا المقطع

قصيدة : يـاحـسـيـن أخـبـرك

الشاعر : المرحوم الشيخ كاظم منظور الكربلائي

الرادود : المرحوم الحاج ملا حمزة الصغیر الکربلائي

يـاحـسـيـن أخـبـرك............ مـن طحت عالغبره
زيـنـب  مـشت چتالك يباريها ........ من طحت عالغبره
******
يـحـسـيـن  اريد الچم جروحك يحسين... من غصبا عليه
بـعـتـبـي وروي چبـدك بماي العين .... وابديلك شچيه
وادري الـسـهـم جـاسم دليلك نصين..... ياروح الزچيه
فـجـرت  عـيـنـي .... مـن طـحـت عـالـغـبره
والـمـاذي چبـدك چبـدتي ماذيها ...... من طحت عالغبره
******
يـاحـسـيـن  أدري بـالمثلث ماذيك ..... سم جراح سمه
والـعـتـب  أمضه من السهم يمضي بيك .... لحد يابو اليمه
واصـعـب من صواب الحجر عتبي عليك .... ما ينحمل همه
جـمـرة عـتـابـي ..... مـن طـحـت عـالـغـبـره
گلـبـي تـره يـحـترگ من يطفيها..... من طحت عالغبره
******
جـمـرات عـتـابي لو خفاهن گلبي ........ ينچبد يتمرمر
ويـحـتـرگ مـن دم الـحـماسه اليدبي ..... يذبل ويتغير
يـاحـسـين  إخذ حال الحرم من عتبي .... وإنت بيهن أخبر
هـيـجـت نـاري..... مـن طـحـت عـالـغـبـره
وعـتـبـي يـخبرك بالحرم سابيها ....... من طحت عالغبره
******
يـاحـسين بس عينك غفت عالتربان ......... للي فاجداتك
لاظـل خـدر لا ظـل حـمى ولا صيوان.... يحمي مخدراتك
يـاحـسـيـن ردتك حاضر بهالوديان ..... وتشاهد خواتك
وتـغـيـر الـحـال ..... مـن طـحـت عـالـغـبره
وحـالـتـها  لاملاك السما تبچيها....... من طحت عالغبره
******
يـاحـسين  إخذ  عتبي ويخبرك بالصار ........ بحال الفاطميه
شوف الضرب شوف النهب شوف النار ...... بارض الغاضريه
وتـصـيـح زيـنـب يـالتحامون الجار .... يرجال الحميه
تـنـخـه وتـنـادي...... مـن طـحـت عـالـغـبره
هـاشـم ولا چن هـاشـمي يحميها .... من طحت عالغبره
******
يـاحـسـيـن  إخذ  من عتبي حال عيالك.... وتمثل أخباره
وشـفـرة عـتـابـي تـحـرج بدلالك ..... وتمرد أثماره
والـخـيـل تدري شرضت من اطفالك .... من شنت الغاره
الـرضـت ضـلـوعـك...... مـن طـحـت عـالغبره
مـثـلـك  غـدت بالحافر ترض بيها.... من طحت عالغبره
******
يـحـسين  إخذ عتبي ويخبرك بالحال ...... من غرب ضعنكم
كـل مـحـمـل يـباريه الكم چتال ...... ويروع حرمكم
شـمـا تـنضرب بسياط من الجمـّال ...... تتنخه بشيمكم
لـو  طـفـلـه عگبـت ....مـن طـحـت عـالـغبره
عـالـرمـح راسـك يـثگل يتانيها..... من طحت عالغبره
******
يـحـسين إخذ من عتبي وصف الكوفه..... وتشوف اليساره
بـحـبـال خـشـنـه مگيـده ومچتوفه.... والعين اتجاره
وسـبـي  الـفـواطم ياحسين تشوفه.... طب قصر الإماره
چتـالـك أضـحـى.... مـن طـحـت عـالـغـبـره
ورگبـة عـلـيـلك بجامعه مگيديها..... من طحت عالغبره

المرسل: الثلاثاء, 10 تشرين2/نوفمبر 2020