Tue20210518


مفجوعة ربابة اتصيح

حمزة الصغیر الکربلائي

عدد التحميلات
1192
كود المدونة او الموقع
لإضافة مقطع مفجوعة ربابة اتصيح بصوت حمزة الصغیر الکربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
مفجوعة ربابة اتصيح - حمزة الصغیر الکربلائي
تاريخ الاضافة
2011-06-09 10:32:36
عدد الاستماعات
125
المدة
00:12:44
عدد التحميلات
1192
نص هذا المقطع

قصيدة : مـفـجـوعه  الرباب تصيح

للشاعر : المرحوم عزيز الكلكاوي الكربلائي

الرادود : المرحوم الحاج ملا حمزة الصغیر الکربلائي

مـفـجـوعه  الرباب تصيح... عبدالله الطفل يابني
إنـت صـوابـك بـنـحرك... وانه الدهر سابيني
******
مـفـجـوعـه يـا عبدالله... أمك والفجعها البين
سـهـام اثـنين صابنه..... جبدي ومردته بسهمين
واحـد صـوبك يابني.... واحد صاب ابوك حسين
نـيـران الـمـصايب ذاب... گلبي وإنجسم نصين
ولـو  ذاب  الگلب شيفيد.... لو هلت دموع العين
والـمـفگود هـم يـعـود.... عبدالله الطفل يابني
******
مـانـي الـوالـده الـربيت... يابني وتعبت برباك
مـانـي  الـوالده الهزيت.... مهدك وسهرت وياك
مـانـي الـوالـده الغذيت.... يابني ودرّي الغذاك
شـلون  تغمض  لي عيون... واهجع من بعد فرگاك
يـنـسـاني  الباري إن جان... گلبي يفرح وينساك
والـمـفگود هـم يـعود...... عبدالله الطفل يابني
******
أحـسـب  واعـد  أيـامك.... وأيام الحمل كثره
وگلـبـي حـمـل آلامك.... وغذاك بثمر صبره
احـلـفـنـك يا عبدالله.... بضلع الزاجبة الزهره
الـمـكـسـور بهضيمتها.... والظالم سبب كسره
گلـبـي  إنـكسر لمصابك....وكسر البين شيجبره
والـمـفگود هـم يـعـود.... عبدالله الطفل يابني
******
يـاعـبدالله  بسهم مذبوح.... يابني والگدر سهمك
شـفـتـك ياعزيز الروح.... من نحرك يكت دمك
جـبـدي بـهـم ابـو اليمه.... تسله وذوبه همك
بگلب أمك هوايه جروح... شلون يطيب گلب أمك
يـاريـت  الـلحد  وياك.... ضمني مثل ما ضمك
*****
يـاعـبـدالله  الـولد خيمه.....لأمه وتفرح بزوده
وحـيـن الـوالـده تـشمه... تشم العطر بخدوده
تـراويـه بـزغـر سـنـه.... وترجى ثمر مجهوده
لـيـوم الـمـوزمه تذخره.... يوگف يلزم حدوده
شـحـال الـشافته مذبوح.... وجابه للخيم عوده
******
يـاعـبـدالله دليلي إنصاب.... سهم الصوبك طره
بـيـه صـارت شـجم نار.... بعدك لا تظن يبره
جـمـر الـحـزن ذوبـنـي... وأيـام الحزن مره
وأيـام  الـفـرح  راحـت.... البيها جنت مستره
يـاهـلال  الـتجلى وغاب.... دولاب الگدر فره
******
يـاعـبـدالله  صعب  فر?اك... وفراگك شبه غالي
جـنـت  أتـأمـلك وارجاك.... يابني وريع دلالي
تـنـزلـنـي بـوفـه يمناك... لگبري والولد والي
أثـاري  حـرمـلـه يـتناك... مدري بكربلا تالي
مـحـضـر لـك سـهم جتال.... بيه صوبه الوالي
******
يـاعـبـدالله  الدهر غداك.... وفارگ بيني وبينك
يـالـمـنگطـع مني حشاي..... يالفرگاك ماذيني
شـلـون  الگلب ((......)) ... ماظن يا بعد عيني
الـجـان يـهـجع بطرواك..... بعدك من يسليني
يـابـنـي  وبعد وين الگاك..... بمهدك من يناغيني

المرسل: الأربعاء, 18 تشرين2/نوفمبر 2020