Fri20210423


آيات سمعناها سبحان من سواها

جليل الكربلائي

عدد التحميلات
1636
كود المدونة او الموقع
لإضافة مقطع آيات سمعناها سبحان من سواها بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
آيات سمعناها سبحان من سواها - جليل الكربلائي
تاريخ الاضافة
2011-06-21 08:56:41
عدد الاستماعات
157
المدة
00:30:26
عدد التحميلات
1636
نص هذا المقطع

قصيدة : آيــــات ســــر معــــــــناهــا

للشاعر : الأديب الحاج جابر الكاظمي

الرادود : الحاج ملا جلیل الكربلائی

آيــــات ســــر معــــــــناهــا          سبحــــانه مــــن سواه

بالتاريخ، مــــا تنــــــــمحي          آيات دســـــتور الــــــــوحي

تكـــوين ثــــــــورة محمّــــد          للــــدين ثــــــــورة محــــمّد

* * *

تقــــديس ذات المصــــطـفه          متقــــدسه ابعــــرفـــــــــانه

سبــــــــحان رب الوصــــفه          بهــــذا الوصــــف سبــحانه

بالشــــرف والعــــز والـوفه          وضّــــح ســــور قــــرآنـــه

نهجه صادق          عــــالحقايق          دلاّنــــــــــــه

واعرفنه الحـگ ومنـــهاجه          باســــراء الهادي ومعراجه

شعلة هـــالثوره الوهــــاجه          اتنــــور ديــــن الله وبنـيانه

للدين فجّـــــر ثوره

تحمل الفكره الحره

عــــالطغــــيان، ثــار وكتب          (تبــــت يــــدا أبــــي لهــب)

تضمـــــين ثــــورة محــــمّد          للــــدين ثــــورة محــــــــمّد

* * *

ادرس معــــــــالم ثــــورتــه          وانـــظر ثبــــاته وعــــزمه

شوف الــرسول ابنــــهضته          حــــرر كــــيان الأمــــــــــة

هاديــــنه رحــــمه لامـــــته          عـالكفر أصــــــــبح نقــــمه

والاعادي          اشما تعادي          متهــــمة

حطّــــم للأصــــنام ودمّـــــر          والخــــالق نــــاداه وقــــرر

(أنا أعــــــطيناك الكوثــــر)          نزلت هاي السورة بأســـمه

جبريل صوته اينادي

بسم الرسول الهادي

هالآيـــات، عــــن بيّــــــــنه          بمصحف البـاري امــــدّونه

ابتــــدوين ثــــورة محــــمّد          للــــدين ثــــورة محــــــــمّد

* * *

أوصـاف ســــره اتقــــدست          بالجامــــــــعة القدســــــــية

بســــيرة حياتــــه اتأسست          هالمــــدرسه الــــروحــــــية

جـوهرة فــــكره أتكــــرست          ديــــــــنــــيه اصلاحــــــــيه

ظل يجاهد          عن قواعد          ثوريــــه

للـــباري امثــــبت ميــــثاقه          توّج هالـــكون باخــــــــلاقه

صادق من يحجي ومصداقه          لفظ الحــــكمه الــــرّبانــــية

مبعوث هاي الوصافه

لــــو طالعـــت أهدافه

للاجـيال، سجــــل عــــــــهد          مــــن (قــــل هـــو الله أحد)

تحصــــين ثــــورة محــــمّد          للــــدين ثــــورة محــــــــمّد

* * *

انــشد يــــمن عــــندك ورع          انــــشد وشــــوف اشبـــينه

يا شخـــص من عدنه انتفع          مـــن مــــدرســــة هاديــــنه

لـو ناشــــدت للمجــــــــتمع          اشقــــــــدمنه وشــــأديــــنه

وشنفعنه          لمجتمعنه          تدريــــنه

والمخــــتار ايــــريد الأمـــة          تتبع نهجه ومـــبدأ حكــــمه

خل نستلهم ســيرة عــــلمه          صوت الأجــــيال ايـــــنادينه

صرخات من تسمعها

تعـكس الك واقــــعها

هالصــــرخــــات دم ودمــع          اعكس الـــواقــــع تستــــمع

امأيـــــدين ثــــورة محــــمّد          للــــدين ثــــــــورة محــــمّد

* * *

نكــــتب صحــــف هــم وألم          نــــشرح وضــــع حـــــالتنه

الليلة انـفگد ســــيد الأمــــم          واتــــــصوبــــت امتــــــــنه

جوهر مــــوازين القــــــــيم          ضــــاع ابــــبحر لــــوعـتنه

والمصايب          والنوايب          صابتــــنه

الـيوم انفگدت شمس العفه          وحيدر يصرخ حيف ووسفه

هــــالوادم أضـــحت مختلفه          اتخـــربت واتفرقت وحدتنه

هاليوم حيدر وحـــده

نصبوا سقيفه ابضده

لــيش الــــناس، متــــهاونه          رب الجــــــــلاله امعــــــينه

ابتعــــيين ثــــورة محـــــمّد          للــــــــدين ثــــورة محــــمّد

* * *

لو ما يظـــل عــــقد الــــوله          ابــــلايه نصـــــــير اينصره

ما چــــان شــــبله ابكــربله          ينصرع فــــوگ الغــــــــبره

ولو ما عگب ســيد المــــله          ينــــــكسر ظــــلع الزهــــره

مالفــــنها          ضلوع ابنها          متــــكسره

وحسين ضلوعه المهشومه          من ضلع الزهره المظلومه

كلمن راح ابعــــهده ويومـه          الله اشحــــملت هــــالعــتره

هالصوت ظل يتعاله

بسم الرسول وآلـــه

خط حسين، ســر نهــــضته          عــــالظلم فــــجر ثــــورتــه

ابتــــمكين ثــــورة محــــمّد          للــــدين ثــــورة محــــــــمّد

المرسل: الأحد, 18 تشرين1/أكتوير 2020
ام الخير 2013-02-04 03:55:17
شكرا لكم على خدمة الإسلام والله يثبتكم على ولاية وحب أهل البيت والله يحفظ هذا الصوت من كل سوء