Thu20211209


رحيلك أو بقائك

باسم الكربلائي

عدد التحميلات
58
كود المدونة او الموقع
لإضافة مقطع رحيلك أو بقائك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
رحيلك أو بقائك - باسم الكربلائي
تاريخ الاضافة
2021-09-06 13:14:35
عدد الاستماعات
3
المدة
00:19:56
عدد التحميلات
58
نص هذا المقطع

الشاعر : القدير ناظـم الحـاشي

 

رحيلك او بقائك .. خلودك كربلائك
رغم هذا الحزن .. شمس ماتندفن
ياحُسين .. ياحُسين ..
******

أبد مايندفن شمسك ضواها
رغم مانزلت وعافت سماها
إذا روحك ملك موتك خذاها
عدل والدنيا تشتمك هواها

من صرت بيك اعتقادي .. ينبض ابحبك فؤادي
يمتغطي ابكسائك .. شمس بالطف غطائك

يقين ولا أظن .. شمس ماتندفن
ياحُسين .. ياحُسين
******

أبد مافكرت يوم من أجيلك
اشوفك ميت وجاي اشتكيلك
ولا ارجع أبد شي من جميلك
إذا وزع لحم جسمي ابسبيلك

تسري بأفضالك دمائي .. وانته تسبيحة دعائي
أحس بيك امن اشوفك .. حرم كعبة واطوفك

وأحن ليك من أحن .. شمس ماتندفن
ياحُسين .. ياحُسين
******

عليك الدنيا كلها وماخفتها
نعم رادو تگول وما گلتها
رفض لا الرفض من قدمتها
مناحر مو سوالف سولفتها

لا، ولا راسك حنيته .. لا، ولا عهدك نسيته
تضل لائك هويه .. ابجناسي الرافضيه

رهن أمرك رهن .. شمس ماتندفن
ياحُسين .. ياحُسين
******

أجونا وضدك ابغدر المرائي
وإجينا ابفتوة السيف الكفائي
لگو بينه المجاهد والفدائي
لگـو دم الحشد دم كربلائي

دمنـا من نفس الفصيله .. يرفض الروس الذليله
أثر للطف لگـونه .. وإجونه وحاربـونه

ولا غمض جفن .. شمس ماتندفن
ياحُسين .. ياحُسين
******

شنو العندك بقه وماقدميته
اخوتك ولدك وبيتك سبيته
بعت كلشي ورضا الرب اشتريته
واجيته ابلا چفن يوم الأجيته

كلشي عندك مابقالك .. حتى دمك ماصفالك
يـالمقدم رضيعك .. أموت وما أبيعك

لون بيك انسحن .. شمس ماتندفن
ياحُسين .. ياحُسين
******

اجت ردت سلالة آل أمية
عسى أن كربلا ترجع سبية
توكلنا بعلي حامي الحمية
اخذنا الراية من المرجعية

راية بيها المهدي كاتب .. قاتلوا جـمع النواصب
ولا طحنه وخسرنه .. ولا يوم انكسرنه

ولا قيد وسجن .. شمس ماتندفن
ياحُسين .. ياحُسين
******

وحق رب العرش واسمه وكتابه
دمه الشايب تضل ثار الشبابه
يضل حاضر رغم حسرة غيابه
يجي ويوم العدو يدفع حسابه

دمه غالي ويبقه غالي .. اسمه عالي ودومه عالي
شهيد اشما اشوفه .. اسد طاح بطفوفه

صبور وممتحن .. شمس ماتندفن
ياحُسين .. ياحُسين
******

مداد الطف رجع خضر سنابل
ولا خفنا ابرغم رجعـو مناجل
نفس ذاكه المقاتل رد مقاتل
حشد وانصار شجعان وبواسل

نشعر ابنعمة وجودك .. نشعر بحشدك جنودك
حشد طفّه إمتداده .. عشق درب الشهاده

واكيد الحق يجن .. شمس ماتندفن
ياحُسين .. ياحُسين
******

جزائه الحاربك يعرف جزائه
جزاء الحارب الرب ابـسمائه
گلبنه ابكل زمن صرخة ندائه
براءة من التضد شخصك براءة

خلي يسـمعنه اليضدك .. انته بعد الرب نعدك
عشق من الطفوله .. صعب غيرك ينوله

إلك نبچي ونون .. شمس ماتندفن
ياحُسين .. ياحُسين
******

كلمات الشاعر القدير "ناظـم الحـاشي"

المرسل: السبت, 06 تشرين2/نوفمبر 2021