Thu20211202


ساعة الذبح

باسم الكربلائي

عدد التحميلات
56
كود المدونة او الموقع
لإضافة مقطع ساعة الذبح بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ساعة الذبح - باسم الكربلائي
تاريخ الاضافة
2021-09-01 15:15:09
عدد الاستماعات
13
المدة
00:10:39
عدد التحميلات
56
نص هذا المقطع

الشاعر : الکبیر إيهـاب المالـكي

 

 لو خذه الجرح .. من ضوه الصبح
والحزن كسر .. بالشمس جنح
صدى آيه .. ترى هايه
ساعة الذبح

******
لو شفت الورد مابي ملامح
يابس غصنه چان وحزنه واضح
لو ذابل لگيته وعطره رايح
ساعتها الحسين لوحده طايح
اذا طاح الحسين الدنيا تخله
وتصير العظائم يمه سهله
حزن بي شي يعرفه الينتبه له
مو أول حزن بس ماكو مثله

يومه يختلف .. ساعة عن الف
عاذر الگلب .. من جفا يرف
اسى مامر .. اجل أخر
بيها يتضح
******
مر ذاكه النهـار وقاسي فجره
بي يهـوى الحسين وضامي نحره
بارد والحوافر تچوي صدره
صحره شفته الما بيها گطره
من تبچي الشمس ويفز نحيبك
نفس ذاكه الوكت ذبحوا حبيبك
حيره وتاخذك دمعه وتجيبك
تشعر كل سهم يوگع يصيبك

تنهـدم لإن .. يهتـز الزمن
بعينك الضوه .. ينگلب چفن
صدى صوتك .. عسى موتك
هالوكت يصح
******
خيوط الضـي إذا يرحن سبايه
مذبوحه الشمس بلحظه هايه
تعرفه اليوم ذاكه من البدايه
ساعاته وثوانيه المنايه
ملامح يومك اتذكرها تالي
راح اتگول أجه حسين اعله بالي
يعاين بلوجوه وظهره خالي
والـوادم ولا واحد موالي

يلتفت ألم .. عالأرض علم
والهوى انحسب .. كل نفس سهم
إله رايح .. ردى طايح
صخرة من سفح
******
اكثر يوم بي تتحير انته
رغم ضجة انينك كلشي سكته
نهر الهم يرد اشما عبرته
مهموم ومنيتك مدري يمته
ذاكه اليوم تصدف چم رزايه
لكن ماحچوهن يم رقيه
عن دم النحر ماتدري هيه
وشرضت الخيل الاعوجيه

غمضت ووعد .. تلمح الجسد
موذر وهمس .. يطلب المدد
لظى نوحك .. على روحك
بابه ينفتح
******
إذا عالسمه شفت الظلمة تلتم
معناها النحر بي قطر الدم
ركز عالظلام وكل شي تفهم
وتشوف الدخان الـ عالمخيم
يوم البي سهم ظالم تجره
بعين الكافل ايحط مستقره
هذا الـ بلشدايد ماتبره
ولزينب تمنى يودي عذره

زينب بحـرب .. والفگد صعب
باجر الضعن .. يمشي وي غرب
الوفه دينه .. نطه عينه
وراسه عالرمح
******
عن الطف إذا محد حچالك
وهواي اسئله اتمر اعله يالك
ذاكه اليوم اليجاوب سؤالك
من تسرح اويه الناعي بخيالك
من شـراع جفنك حبله ينفل
وعبد الزهره يبده يقره مقتل
يوصل للشمر من سيفه ينسل
من نحر الحسين ابدمه يبتل

يسرد الخبر .. لوعة النحر
يسمع اشجره .. ابصدره النحفر
بـلا ناصر .. على حافر
دمه ينمسح

المرسل: السبت, 06 تشرين2/نوفمبر 2021