Sat20211204


كلمة رجع

باسم الكربلائي

عدد التحميلات
58
كود المدونة او الموقع
لإضافة مقطع كلمة رجع بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
كلمة رجع - باسم الكربلائي
تاريخ الاضافة
2021-09-01 15:15:09
عدد الاستماعات
14
المدة
00:10:00
عدد التحميلات
58
نص هذا المقطع

الشاعر : كرار حسين الكربلائي

 

كلمة رجع بعيوني اشتريها
والما تشوف الغالي شلّي بيها

يعيوني يحسين .. يعيوني يحسين
******

انه رايح من گلتها متت يحسيني
ومات كولشي بالمسافة البينك وبيني
انته عيني وبرحيلك ودعت عيني
فوگ خدك شيبة شيبة ايطيحن سنيني

ياراحلاً بدروبك الطويلة
باللهِ ترحم غربةَ العليلة

عني رحت وين .. يعيوني يحسين
 ******

الشوگ يكتل وانعى مرة لعطر قمصانك
والعجيبة فوگ راسي يمسح اردانك
وانه عدلة الموت ضگته بطعم هجرانك
كولشي انسه إلا انته صعب نسيانك

منبر دمع بالعين الك بنيته
مقتل وداعي ابروحتك قريته

ذابحني الونين .. يعيوني يحسين
 ******

خرز سبحه وطشرتني بليل اهاتي
وانكتبلي من الطفولة اتموت ضحكاتي
ازغير عمري والف صفنة عمر حسباتي
النوگ عثرن ناگه ناگه بنهر دمعاتي

ضل يقره دمعي بروحة الحبايب
نادي علياً مُظهر العجايب

صحت بدمعتين .. يعيوني يحسين
 ******

بروحي وحشه ابگد معزتك يابعد حيلي
الليل يغفى ابحضن عيني مانمت ليلي
ماكو واحد يلزم ايدي الهوى يتچيلي
ضعت شيبة ابغيم هجرك وينك احچيلي

بيّن محرم وانه بنتظارك
كل عمري ليل ودوّرت نهارك

واكتب كلمتين .. يعيوني يحسين
 ******

الگلب خايف من غيابك ياخبر سامع
اليوم ثالث من محرم وانته ماراجع
عشت دنيا اتساوى بيها الحلم والواقع
طيف مرني من سماكم چم گمر واگع

هلال السنة الهجرية شفته خايف
عن كربله ابعينه انقرت سوالف

مانامّت العين .. يعيوني يحسين
 ******

صح بعيده بس يروحي عايشه احساسك
انكسر ظهري اهنا عرفته طاح عباسك
شاب راسي فسرتها ينگطع راسك
اختنگ صدري وكسر ضلعي الحافر الداسك

صح مو سبيه وانحسب سبيه
عالناگه چانت روحي وي رُقيه

مسبيه مرتين .. يعيوني يحسين

المرسل: السبت, 06 تشرين2/نوفمبر 2021