Mon20220808


العالم ينفني بأسره إذا ما كانت الزهراء

جليل الكربلائي

عدد التحميلات
138
كود المدونة او الموقع
لإضافة مقطع العالم ينفني بأسره إذا ما كانت الزهراء بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
العالم ينفني بأسره إذا ما كانت الزهراء - جليل الكربلائي
تاريخ الاضافة
2021-03-24 15:36:28
عدد الاستماعات
9
المدة
00:14:37
عدد التحميلات
138
نص هذا المقطع

الشاعر : الأديب الحاج جابر الكاظمي

 

العالم   ينفني   بأسره...   إذا   ما   جانت   الزهره
و  يموج  بضيمه  و  بقهره...  إذا  ما جانت الزهره
******
هالعالم   يعيش   ابضيم   لون   ما   بضعة  المختار
و  من  كل  جانب  ايحيطه  موج الهضم و الأخطار
و  لا  عين  السحاب  اتجوب علينا و تنزل الأمطار
و  نعيش  ابحسرة  القطره...  إذا  ما  جانت الزهره
******
لون   ما   بضعة   الهادي   يعيش  العالم  ابلا  روح
و  لا  وردة  عطر  تنفح  و  لا  غصن الحياة ايفوح
و  لا  تشرق  شمس  إلنه  و  لا كوكب علينه ايلوح
و   لا   دنيانه   متنوره...   إذا  ما  جانت  الزهره
******
لون   ما   بت  رسول  الله  يظل  هالعالم  ابلا  نور
الظلام يحيطه من كل صوب و يعيش الظلم و الجور
و   ايصير  الشرك  حاكم  علينه  و  الكفر  دستور
يفوج   العالم   ابكفره...   إذا   ما   جانت  الزهره
******
لون   هالبضعه  ما  جانت  علينه  ايسيطر  الطغيان
الفساد   ايلوث  الدنيه  و  هواها  ايصعد  الطوفان
و   أمواج   الكفر   تكسر  فلكنه  و  يغرق  الربان
يهيج   امن  الظلم  بحره...  إذا  ما  جانت  الزهره
******
إذا   فاطمه   ما   جانت   الكفر   عالدين  يتصدر
لون   ما   ضلع  من  عدها  خلف  الباب  يتكسر
جان   انصدع   ركن  الدين  و  من  الضيم  يتفطر
اضلوع   الدين  متكسره...  إذا  ما  جانت  الزهره
******
لون  ما  بضعة  المبعوث  الكفر  يحكم عله الإسلام
و   جان   اردود   هالوادم   ترجع   تعبد  الأصنام
و   جان   أثقال   المصايب   تحني   قامة  الضرغام
و  منهو  للوصي  ايصبره...  إذا  ما  جانت الزهره

المرسل: الأحد, 21 تشرين2/نوفمبر 2021