Fri20210416


دمعي جاري

جليل الكربلائي

عدد التحميلات
25
كود المدونة او الموقع
لإضافة مقطع دمعي جاري بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
دمعي جاري - جليل الكربلائي
تاريخ الاضافة
2021-01-31 13:54:55
عدد الاستماعات
8
المدة
00:15:36
عدد التحميلات
25
نص هذا المقطع

قصیدة : دمعي جاري

الشاعر : ناظم الحاشي

الرادود : الحاج ملا جلیل الکربلائي 

دمعي جاري...لإعتذاري...بنار الإحساس

خوفي قصّر...لو تعّذر...سيفه عباس 

قلبي طاح اعله النهر...شلت راسي ابهالخبر

 ******

آنا أدري الأربعة الكلهم حمية...تسري وي دمهم الغيرة الهاشمية

لجل زينب بذلوا النفس الزكية...و انحفظ عهد الكفالة الزينبية

هذا عهدي...ذوله ولدي...و قرة العين

أدري همهم...يجري دمهم...دون الحسين

من وقع منهم قمر...قلبي طاح اعله النهر

دمعي جاري...لإعتذاري...بنار الإحساس

 ******

حسين رضعهم محبة من الطفولة...و قمطتهم زينب بمهد الرجولة

آنا ما عندي حجي العنهم أقوله...دم مناحرهم يسولف عالبطولة

دم نحرهم...يحجي عنهم...برض الطفوف

لجل أخوهم...قطعوهم...بين السيوف

و باقي عالقاع الأثر...قلبي طاح اعله النهر

******

واحد الواحد لزمته و قلت له يمه...ما هو إبني الما نذر لحسين دمه

أرواحكم فدوه و نذر لتراب جدمه...للهوه اليتنفسه حسين و يشمه

فدوه كلكم...قدمتكم...عهدي مشهود

و الزجية...تدري بية...أوفي العهود

و النزف دمه انتصر...قلبي طاح اعله النهر

 ******

اتكلم العباس عنهم بالنيابة...و حلف للباري بما أنزل كتابه

للسيوف يقدم إخوانه و شبابه...و لجل أخوه حسين بالدم يا خضابه

من تخضب...يشهد الرب...ما حنه الراس

قلبه يلهب...ناده زينب...بآخر أنفاس

و منها عباس اعتذر...قلبي طاح اعله النهر

 ******

هسه حقي من أفتخر بيكم يولدي...بين كل الناس هيج أولاد عندي

لجل أخوهم روسهم برماح تحدي...وفوا عهد الله ورسوله ووفوا عهدي

هذا فخري...طاعوا أمري...و ضحوا الروح

للمفاخر...هالمناحر...دمها مسفوح

و أشعر بهذا الفخر...قلبي طاح اعله النهر  

المرسل: السبت, 06 شباط/فبراير 2021