Sat20210515


كل مسلم ابها اليوم

جليل الكربلائي

عدد التحميلات
51
كود المدونة او الموقع
لإضافة مقطع كل مسلم ابها اليوم بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
كل مسلم ابها اليوم - جليل الكربلائي
تاريخ الاضافة
2021-01-25 15:51:03
عدد الاستماعات
8
المدة
00:14:02
عدد التحميلات
51
نص هذا المقطع

القصيدة : كـل مـسـلم إبها اليوم

الشاعر : الأديب الحاج جابر الكاظمي

الرادود : الحاج ملا جلیل الکربلائي

كـل مـسـلم إبها اليوم ...مثلك صبح مظلوم
و  الـغـدرتـه الـكوفه...إبكل موطن إتشوفه
******
مـا  أشـبـه  الـيـوم بأمس ما أشبه الحالات
مـا  أشـبـه  أيـام العمر و الزمن و الساعات
كـل  جـيـل  أطباعه مثل جيل المضه و الفات
و  كـل نـكبه تمضي و تنولد منها سبع نكبات
دنـيـانـه  يـا مسلم غدت مشحونه بالآهات
كـل بـقعه من وجه الأرض ما تخله من مأسات
ابكل بقعه صرنه إنشوف...جور و هوان و خوف
و الـعـايـش إبـخوفه ...إبكل موطن إنشوفه
******
جـولـة الـحـرب الداميه موجوده من إزمان
مـن  زمـن  قـابـيل إبتدت و إبتدت بالخوان
و الـجـاهـلـيـه إستارثت هالغدر و العدوان
شـنـو حـرب ضـد الـنـبي عبادة الأوثان
و  من  بعده ذبحوا عترته و شافت هضم و أحزان
و إنـت يمسلم هم شفت ضيم و جفه و خذلان
و  الـصـافـحـوا إيديه ...بالكوفه غدروا بيه
و الـمـسـلـك إجفوفه...إبكل موطن إتشوفه
******
يـا  مـسـلم  إبدرب العدل أصبح إلك تذكار
لـلـكـوفـه لـمـن أرسـلك ريحانة المختار
آلالاف  إجـت  و إتـبـايعت قالوا إلك أنصار
بـسـمـا  طلع وجه الفجر عكس التريده صار
كـل ظـنـك الـلي بايعوا بالكوفه ناس أخيار
مـا يـخـطـر إبـالـك أبـد هالمجتمع غدار
و  الـوادم  الـضـيـفوك...هم الذي غدروك
و الـيـغـدر إضـيوفه ...إبكل موطن إتشوفه
******
أربـاتـعـش قـرن إنـقضه من عامك الهالعام
فـلـك  الـزمن جن ما مشه و لا دارت الأيام
نـفس  الظلم نفس الغدر شفنه غصص و آلالام
مـن جـاهـلـيـة هـالوكت عبادة الأصنام
عـادوا  أسـالـيـب الغزو و الظلم و الإجرام
و غـيـر الـسجون المظلمه و الأسر و الإعدام
و  بـكـل زمـان يـنـعاد...هالظالم إبن إزياد
أوصـافـه مـعـروفـه...إبكل موطن إتشوفه
******
قـائـدهـا بـالكوفه جنت لنك صرت مغدور
نـفـتـرض ذاك الـمـجتمع جاهل عقل مغرور
إحـنـه شـجانه ابها العصر و إخضعنه للمأجور
و  عـصر التجارب و العلم و يتسمه عصر النور
عـزنـه  الـعلم  للأجنبي و بالجهل صرنه إندور
و الـمـسـلم اليملك شيم ميصافح أهل الجور
مـا يـقـبـل الإسـلام...نـقضيها بالأوهام
مـن  هـاجـوا إحروفه ...إبكل موطن إتشوفه
******
مـن جـيـلـك الـهذا العصر تتشابه الأجيال
يـا  مسلم و صرنه بأشد و أعظم و أصعب حال
نـحـجـي و حجينه إبلا فعل و شتنفع الأقوال
يـا  مـا تـعـبـنـه للخصم تتسرب الأموال
إنـدم الـدجل و أهل الدجل و إنصافح الدجال
و صـرنـه الـعـلم نستورده من مجتمع جهال
و راعـي الـعـدل مـيصير...يقبل ابها التأخير
أطـبـاعـه  مـوصوفه ...إبكل موطن إتشوفه
******
راعـي  الـعدل  ما يرتضي إيبايع شخص سفاح
و أهـل الـعـقـيده الساميه للحق تبيع أرواح
مـثـلك يمسلم من هتف صوتك و بالحق صاح
هـالـصوت صاخب بالدهر و إينادي للإصلاح
لـجـل الـرسـاله الطاهره دمك الطاهر ساح
و كل قطره من دمك شمس و بكل جرح مصباح
شـهـروا عليك إسيوف...راعي الغدر معروف
مـا  يـغـمـد إسيوفه ...إبكل موطن إتشوفه

المرسل: الأحد, 07 شباط/فبراير 2021