Tue20210420


ما يجبر الخاطر

باسم الكربلائي

عدد التحميلات
58
كود المدونة او الموقع
لإضافة مقطع ما يجبر الخاطر بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ما يجبر الخاطر - باسم الكربلائي
تاريخ الاضافة
2021-01-03 15:23:59
عدد الاستماعات
19
المدة
00:12:16
عدد التحميلات
58
نص هذا المقطع

قصیدة : ما يجبر الخاطر
الشاعر : سيد سعيد الصافي الرميثي

الرادود : الحاج ملا باسم الكربلائي
المناسبة : ليالي الفاطمية الأولى 8 ربيع الثاني 1442
المكان : العتبة العباسية المقدسة

 

ما يجبر الخاطر نهر مجرى الدمع
لمن تقولين انجبر كسر الضلع
******
يا فاطمه ما تندرك صفاتج
قارن رضاته الخالق برضاتج
بمعرفتج اندارت قرون الآلاء
يا محور الكل الحزن يا زهراء
هاي المجالس و اللطم ما تنقطع
لمن تقولين انجبر كسر الضلع
******
يا بضعة من قلب الرسول و روحه
يا أول و آخر جميع جروحه
صدرج خزانة كل علوم الأسرار
يخبرني عالدم الجرى من المسمار
للحشر يبقى بكل صدر ما ينشلع
لمن تقولين انجبر كسر الضلع
******
سطرة اللي صارت منها عينج حمرة
بعين العقيدة ما تزال مأثرة
كل شيعي بيته الليلة بيت الأحزان
يا فاطمة و مو من طبعنا النسيان
يبقى الحزن طول الزمن بينا طبع
لمن تقولين انجبر كسر الضلع
******
دارج نظل نسمع صدى عتابه
تطفى شوكت نار الفتن يم بابه
حالة ألم تجرح شعور الأجيال
عن السبب يسأل دمعها الهمال
ما نسكت و يومية بابج يندفع
لمن تقولين انجبر كسر الضلع
******
يا لما إلج حتى قبر نزوره
إبنج متى يعجل فرج ظهوره
طال التصبر وحنه نحسب ايام
ولا عدنا من يقدر يفسر الأحلام
مدري شوكت يبرا جرحنا المتسع
لمن تقولين انجبر كسر الضلع
******
لو كربلاء تعرف صور ماضيها
و نشاهد شصارت مصايب بيها
من فاطمة يبجي العرش نسمع صوت
ذاك الوقت كل شيعي يتمنى الموت
كل راس من عندنا برمح خل يرتفع
لمن تقولين انجبر كسر الضلع
******
وحي الله لمن شاهد الوديعة
تنشد على حسين و على رضيعه
للطف نزل للفاجعة وياها ينوح
مثل الغصن لمن هوت عالمذبوح
للوحشة نبقى بكل مساء نعلق شمع
لمن تقولين انجبر كسر الضلع

المرسل: الثلاثاء, 02 شباط/فبراير 2021