Fri20210226


لو دينك لو ثارك

باسم الكربلائي

عدد التحميلات
28
كود المدونة او الموقع
لإضافة مقطع لو دينك لو ثارك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
لو دينك لو ثارك - باسم الكربلائي
تاريخ الاضافة
2021-01-03 15:23:58
عدد الاستماعات
16
المدة
00:17:20
عدد التحميلات
28
نص هذا المقطع

قصيدة : لو دينك لو ثارك
الشاعر : علي السقاي

الرادود : الحاج ملا باسم الكربلائي
المناسبة : الليالي الفاطمية ليلة 8 جمادى الأولى 1442
المكان : ساحة الشهداء المركزية - البصرة

لو دينك لو ثارك
شِتخيّر بتّارك
ها ياحَيدره تِصبر يا تَره
شِتخيّر بتّارك
******
يَلِملازم محمد يالچنت ظِلّه
العزِم كله (بعَض) وانته العزِم (كِلّه)
صفات العزّه هيّه البيك تتحلّه
وابد ما لحظه مرّت أنفك الذلّه
رسولك يسألك وابهاي شِتگلّه
تِسِل روحك صبُر لو سيفك اِتسلّه
تنتظرك چم عبره
اِمن الهادي للزهره
دمعك لو جره تِصبر يا تَره
شِتخيّر بتّارك
******
يمَن بالفزعه شخصك حاشه يتأخّر
بطل ما تِنكُره حتى ذَوِي المُنكر
بَدِر بَدْر البِدَر واِبدُوره ما أدبَر
أَحَد أُحْد اْو حَديد الحِيد حَد يدحَر
لچن شاء الإلٰه اْو راد تتصبّر
اْو رسولك أشهَد الأملاك ياحيدر
يافارس يَمجرّب
امن احگوگك تتسلّب
گومك غادره تِصبر يا تَره
شِتخيّر بتّارك
******
الحِرَس مِن أبرهه بيته اْو مِنَع هَدمه
اِبهَتِك بيتك إله يا بالحسن حِكمه
إذا سيفك ترُفعه اْو تنزل النقمه
النبي ما عالمآذن ينرفع إسمه
گبل كلمة (وإن) چانت أكو كلمه
(الرجُل يهجر) حچاها اْو زالت الحُرمه
بابك مِن يتوجّر
تفزع لو تتصبّر
نار اموجّره تِصبر يا تَره
شِتخيّر بتّارك
******
إلَاصعب مِن حَرِگ بابك اْو هَتْك الدار
حَرِگ گلبك علي اْو شيطَفّي هاي النار
تنظُر فاطمه اْو دمها علىٰ البسمار
وَلا تِگدر تجرّد بيدك البتّار
اِبعلْم الغيب تدري اعله الضلوع اشصار
اْو حگك يستِفِزَك يالغيور الثار
تسمعها ابهالرّضّه
سَنديني يافضّه
اضلوع امكسّره تِصبر يا تَره
شِتخيّر بتّارك
******
ابثمن صبرك يبوالحمله اشتريت الدين
جهادك هذا أصعب من بدر واحنين
ابحَمار الدَّم خِضِت يالضارب ابسيفين
تعودت اعله لُونه اْو كلها تعرف زين
لچن الله يعينك من تصد بالعين
حَمار الطفّه عين ام الحسن واحسين
ايضربوها اْو تتنهّد
جانبها ايصير اَسوَد
عاليضرب مره تِصبر يا تَره
شِتخيّر بتّارك
******
العجيبه الرايح اتخلّي الزمن يسأل
الجبل ينگاد ؟! لا والله ما يُعقل
السبب مِن ينعرِف كل العجب يُبطَل
وَصيّه مو حبِل بيها علي امكبَّل
المشيئة ابهالأمُر لو ساعه تتبدّل
گبل الزَلزَله هالگاع تتزلزل
ميدانك وابكيفك
شيصبرك عن سيفك
يطلب مجزره تِصبر يا تَره
شِتخيّر بتّارك
******
صار الصار وانته ابقهرك اتشاهد
مثل صبرك يحيدر ما صُبر واحد
علي إنته الذي ابكل مُعترك قائد
عگب دفن النبي ابهالمعترك فاگد
الدهر يابالحسن من عندك اشرايد
يِوَگفك بالمقابر وگفة الشاهد
ايعين الله مِن تدفِن
زهراءَك والمحسِن
اتصيح المقبره تِصبر يا تَره
شِتخيّر بتّارك

المرسل: الثلاثاء, 02 شباط/فبراير 2021