Tue20210420


انهض ياحيدر يااسد خيبر

جليل الكربلائي

عدد التحميلات
30
كود المدونة او الموقع
لإضافة مقطع انهض ياحيدر يااسد خيبر بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
انهض ياحيدر يااسد خيبر - جليل الكربلائي
تاريخ الاضافة
2021-01-03 13:37:36
عدد الاستماعات
7
المدة
00:29:41
عدد التحميلات
30
نص هذا المقطع

قصيدة : انهض يحيدر يا أسد خيبر

الشاعر : أبو علي الناصري

 الرادود : الحاج ملا جلیل الکربلائي 

 

انهض يحيدر    يا أسد خيبر

عينك هضيمه اتنام      يمك بجه الإسلام

انهض يحيدر    يا أسد خيبر

******

اشلون الأجل وافاك و انته الصميده      جان الدهر مرهون كل أمره بيده

طبرتك بالمحراب نلت التريده     لاجنها قلب الدين قطعت وريده

والوحي كبر      الله أكبر

يالأنزع الضرغام   يمك بجه الإسلام

******

عندك وديعه الدين يبو الحميه      من سلمه بيمناك سيد البريه

جفن الوفه سهران لله ونبيه      نومه بحضن الموت سيف المنيه

طيحت المصدر      اتيتم المنبر

يا كافل الإيتام     يمك بجه الإسلام

******

سر إنته يبو احسين محد يفسره    زاد اعله صبر الكون و اتعده صبره

من مثلك الها الدين نادر له عمره    اتحملت لجله اهموم حسره اعله حسره

بدربك مشينه     عهدك وفينه

يمعاهد الصمصام     يمك بجه الإسلام

******

كلما يهل رمضان و يمر علينه    نذكر غذرنه البين و اتيتمينه

وي محنتك مولاي عشنه و ربينه    للحشر يبو احسين هاللوعه بينه

لا ما نسينه    طبرة ولينه

تتجدد بكل عام     يمك بجه الإسلام

******

بس غمضت عيناك كل هم غطانه    و انحنه اعله المحراب محزن لوانه

حادي الحزن مولاي عقبك حدانه    راد ابهواه انسير نترك هوانه

مد النه ايده     صحنه الصميده

والينه يا المقدام      يمك بجه الإسلام

******

من يمك الها اليوم فتنه اعله فتنه    و من سامونه اعليك يمكن شفتنه

للذبح ما عفناك يا الما عفتنه     درسك فلا ننساه يالعلمتنه

نبقه لك شيعه     و أمرك نطيعه

و اسمك نعلقه أوسام     يمك بجه الإسلام

******

ما ساومة هالروح و اتولعت بيك   تبجي و يعدها الشوق لو مرها طاريك

يوم الحشر يالحيد تحضر أتانيك    فوق الصراط أحتار و المعبر اعليك

بحسرة المحشر       أصرخ يا حيدر

التابعك ما ينضام      يمك بجه الإسلام

المرسل: الخميس, 11 شباط/فبراير 2021