Tue20210518


شجايب هديه اليوم جدك محمد

جليل الكربلائي

عدد التحميلات
51
كود المدونة او الموقع
لإضافة مقطع شجايب هديه اليوم جدك محمد بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
شجايب هديه اليوم جدك محمد - جليل الكربلائي
تاريخ الاضافة
2021-01-02 13:20:51
عدد الاستماعات
8
المدة
00:40:26
عدد التحميلات
51
نص هذا المقطع

قصايد : وصّيتك وصّيتك...بالمظلوم وصّيتك ، اشجايب هدية اليوم جدك محمد

الشاعر : الأديب الحاج جابر الكاظمي

الرادود : الحاج ملا جلیل الکربلائي 

 

وصّيتك وصّيتك...بالمظلوم وصّيتك

 ******

آنا الحسن يبن الحسن هاي الوصية و اسمع

يوليدي من أشرف أصل فرعك الزاهي اتفرع

أدري يجاسم مرضعك طاهر و صافي المرضع

و أدري توفي اوصيتي ذمه و إلك تتوزع

ناديتك ناديتك...يا جسام ناديتك

 ******

يوليدي ياللي اتيتمت بأول مدار اسنينك

أوصيك يبني بالشرع و مبدأ مناهج دينك

و شمعة سنن دين النبي احرسها بصبي عينك

لو شفت ظالم بالحكم بالك تمد له ايمينك

وافيتك وافيتك...بالمعروف وافيتك

  ******

يوليدي لو موج الحزن فاض و تطفح همك

و اتشوف ساحة معركة و محد يناصر عمك

لا تعز دمك يا شهم ضحي له بالطف دمك

لا ترتهب من الحرب لو بيها وذروا جسمك

ضميتك ضميتك...للشدات ضميتك

  ******

عمك يجاسم بالحرب ضحي له زهرة عمرك

و الصابر اينول الخلد لا تبتعد عن صبرك

لو طحت وسط المعركة عين الإله اتنظرك

و احروف أحكام الشرع سجلها من دم نحرك

خليتك خليتك...الذاك اليوم خليتك

  ******

يبني يجاسم لو طحت فوق الرمال امقطع

أحضر و أجيك الكربله يمك ابذاك المصرع

بيدي أشيلك يولدي و أحفر الجسمك مضجع

و جثتك من قبل الدفن يغسلها فيض المدمع

يا ريتك يا ريتك...تفدي الروح يا ريتك

  ******

يوليدي هاك اوصيتي و انت اسمعتها مني

و النوب أودعك و أرتحل قاصد الموت و دفني

موعدي اوياك ابمصرعك و هناك تسمع وني

و انت الشهم و انت الوفي ما ظن تخيب ظني

واسيتك واسيتك...بالآهات واسيتك 

 

اشجايب هدية اليوم جدك محمد
أمك تصب ادموع...و للزفة جاب اشموع...جدك محمد
******
صورة زفافك بين فرحة و آلام...هالدهر صورها
فرسان غالب حوفة نصبوا بخيام...ايفرحك منظرها
يا هو التنشده ايقول زفة جسام...جنه نتنطرها
لن جدك المختار حاضر زفافك...يا شمعة الشبان بالحوفة شافك
و شاف الشمل مجموع...و للزفة جاب اشموع...جدك محمد
******
عند الغوالب هذي ليلة أفراح...و زفتك تعلنها
و ابتشرت بفرحة زفافك أرواح...و اتبدد حزنها
بس رمله أمك تبجي و المدمع ساح...و الدهر دوهنها
و تتمثلك و اتشوف شمعة شبابك...اتهيم بهضمها و نار جمرة مصابك
و تبجي بقلب مفجوع...و للزفة جاب اشموع...جدك محمد
******
اسمع قلب رمله يجسام اشقال...يا مسرة عيدي
يبن الحسن هيّجت نار الدلال...زفتك يوليدي
و أدري يجاسم تالي جف الآجال...ياخذك من ايدي
و تجري الدمع و اتنوح بالخيمة يمك...و تتخيلك مذبوح و الحنه دمك
و صار الجفن ينبوع...و للزفة جاب اشموع...جدك محمد
******
رمله ابقلب بيها الحزن ظل مكبوت...و بعالم فكرها
جن تسمع من الحسن يتوجه صوت...و الحسن يخبرها
يا رمله ابنج باجر اسيوف الموت...الجثته اتوذرها
و عالمعركه ايزفوه و جسمه ايتوذر...و حيدر أبوه اوياه و للزفه يحضر
و ينظر نحر مقطوع...و للزفة جاب اشموع...جدك محمد
******
و آنا يرمله من بداية عمره...وصيته بوصيه
لو شاف عمه اوحيد ابني اينصره...و يتقدم ضحيه
حان الوعد واجب يقدم نحره...لسيوف المنية
و آنا الحسن ظليت أترجه يومه...و الزهرة أمي اوياي تنطر قدومه
و أمر الأبو مسموع...و للزفة جاب اشموع...جدك محمد
******
يبن الحسن و أمك يجاسم مرسوم...عهدك يالحفظته
و جدك محمد حاضر اوياك اليوم...و يشارك عترته
ايشاهد اهلالك باجر اتزفه انجوم...و بعرسك فرحته
و جدك حضر و يريد بسمك يبارك...و بزفتك عالموت جدك يشارك
و صوت النبي مرفوع...و للزفة جاب اشموع...جدك محمد
******
للمعركة يبن الحسن حين اتروح...ما يتركك جدك
و لو طحت فوق الأرض و الدم مسفوح...ايحط خده اعله خدك
و لو شاف يا جاسم وريدك مذبوح...يحفر بيده لحدك
و هاي الحرب و القوم رفعوا هنادي...و بالمعركة ايحاميك جدك الهادي
و قلب النبي مفجوع...و للزفة جاب اشموع...جدك محمد

المرسل: السبت, 13 شباط/فبراير 2021