Tue20220517


كل نجمه تشهد لي محد سهر مثلي

جليل الكربلائي

عدد التحميلات
179
كود المدونة او الموقع
لإضافة مقطع كل نجمه تشهد لي محد سهر مثلي بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
كل نجمه تشهد لي محد سهر مثلي - جليل الكربلائي
تاريخ الاضافة
2021-01-02 13:20:51
عدد الاستماعات
13
المدة
00:45:16
عدد التحميلات
179
نص هذا المقطع

قصيدة : كل نجمة تشهد لي...محد سهر مثلي

الشاعر : الأديب الحاج جابر الكاظمي

 الرادود : الحاج ملا جلیل الکربلائي

 

كل نجمة تشهد لي...محد سهر مثلي
ولياني عافوني...و امساهرة اعيوني
محد سهر مثلي
******
عافوني كل أهلي و مشوا يا هضمة الهضمة...و آنا بأثرهم شاقفت صدمة بأثر صدمة
مشبوهة عيني و ما نمت تشهد لي كل نجمة...و دنيايه صارت موحشة و بهم تره و ظلمه
و لوعت هضم حالي...تتراوح إقبالي
ابهالحالة خلوني...و امساهرة اعيوني
ولياني عافوني...و امساهرة اعيوني
محد سهر مثلي
******
مهمومة عقب أهلي صرت و الهم يباريني...و جفني بأثرهم ما غفه و لا غمضت عيني
لمن يتعبني السهر و الغفوة تلفيني...ابكل حيله يدهني الهضم بيده و يصحيني
كل اهلي مو يمي...و آنا بثقل همي
تتشبح اجفوني...و امساهرة اعيوني
ولياني عافوني...و امساهرة اعيوني
محد سهر مثلي
******
طوح ضعن أهلي و قطع من يمي حاديهم...و ظلينه آنا و علتي نتناوح اعليهم
لا هية ليلة و تنقضي و أقعد و أتانيهم...لا أدري هُمه ابيا كتر و أبعث خبر ليهم
التفقد أهاليها...اشمطول لياليها
ابهالرحلة فجعوني...و امساهرة اعيوني
ولياني عافوني...و امساهرة اعيوني
محد سهر مثلي
******
شبه البدور اللامعة جانوا إليَّ و لنهم...غياب عن عيني وشكثر قلبي نشد عنهم
سهرانة عيني و أنتظر رجوة خبر منهم...مثل الطيور الهاجرت و امنين أجيبنهم
لا طارش اليلفي...و لا لي دمع يكفي
ابهالمحنة اتركتوني...و امساهرة اعيوني
ولياني عافوني...و امساهرة اعيوني
محد سهر مثلي
******
ما بين جمرة علتي و منازف اجروحي...ردد نذير الفاجعة صوت الأجل يوحي
ناداني لا رجعة بعد و آنا ابهضم روحي...راح أعقد ابتوت القهر و أتحزم النوحي
راحوا هلي مني...و آنا انقطع ظني
عقب اليباروني...و امساهرة اعيوني
ولياني عافوني...و امساهرة اعيوني
محد سهر مثلي
******
دار أهلي ظلت خالية بس آنا و امصابي...وين اللي يعرف علتي و ينزل عله اصوابي
أقضي النهار اويه العتب يا مكثر اعتابي...و من يلفي ليلي اويه النجم أبجي اعله غيابي
و اهمومي و آلامي...تتخطه جدامي
و آنا انخطف لوني...و امساهرة اعيوني
ولياني عافوني...و امساهرة اعيوني
محد سهر مثلي
******
شيفيد نوحي و النحب و شتنفع الدمعة...و اشموع أيامي انطفن شمعة بأثر شمعة
كل ظني أهلي لو مشوا منهم بعد رجعه...آمالي تتخيب أبد ما جنت متوقعة
عقب الأمل تالي...لن خابت آمالي
و انقطعت اظنوني...و امساهرة اعيوني
ولياني عافوني...و امساهرة اعيوني
محد سهر مثلي

المرسل: السبت, 13 شباط/فبراير 2021