Thu20210513


ليله ليله

باسم الكربلائي

عدد التحميلات
130
كود المدونة او الموقع
لإضافة مقطع ليله ليله بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ليله ليله - باسم الكربلائي
تاريخ الاضافة
2020-02-24 14:40:28
عدد الاستماعات
20
المدة
00:21:02
عدد التحميلات
130
نص هذا المقطع

القصیدة : ليله ليله خلصت أيام العمر
الشاعر : سيد فاضل الخرسان

الرادود : الحاج ملا بلاسم الكربلائي
المناسبه : ليلة 7 جمادي الآخر 1441
المكان : ديوان الكفيل - لندن

ليلة ليلة خُلصَت أيام العُمُر
ليلة ليلة جَسِّدَت ليلة قَدُر
هذا ليل أم الحسن
إشهد إشهد يا زمن
******
ليلة صارَت ظَلمَة بآهات المُصايب
والسَفَر طال و حبيب الروح غايب
قلب زينب والحسن وحسين ذايب
وبشَبابَه و صار أبوالحسنين شايب
كِلها حِزنَت وَي علي أرض و سِمة
بكل قَلُب مأتَم عزاء لفاطمة
ليلة أحزان و مِحَن
إشهد إشهد يا زمن
******
تمَنّى يُحفُر قَبرَه حيدر يَم قَبُرها
يموت يَمها ويبقى يِشتَم بعُطُرها
كون بيدَه يشيل مِن عُمرَه لعُمُرها
إحتار يِجبُر كَسرَه لو يِجبُر كَسُرها
روحَه نِزلَت علي وما فادَه الصَبُر
مِن نِزَل وَيّاها لِترابِ القَبُر
عُمرَه وَيّاها اندِفَن
إشهد إشهد يا زمن
******
شلون يِدخِل بيت فارِغ من ضِواها
شلون يِشتَم الهوا الما بي هَواها
يِحجي وَيّا السيف حيدر ظَل وَراها
خاف يا فَقّار قَصَّرنا بحِماها
يصيح ما جَن فاطمة موَدعَه الوَلي
الليلة جَن حيدر علي موَدِّع علي
روح و موَدعَه البَدَن
إشهد إشهد يا زمن
******
لو دِعَت رَبِّ الكِتاب بحُب كِتابَه
وَي دُعاء أم الحسن يِرفَع حِجابَه
هي بابَه لليِدِق بِالشِّدَّة بابَه
والحِرَق هالباب ما هو من الصَحابًة
مو صَحابي الما عُرَف قَدرِ البَتول
ولا يصير نقيسَه باصحابِ الرسول
عَالشِعَل نارِ الفِتَن
إشهد إشهد يا زمن
******
شِنهو عِذرَه الشِعَل نارِ الباب بيدَه
وبسَبَب فِعلَه ارتِقَت فاطِم شَهيدَة
لو ما حِقدَه عالنَّبي وبيتِ العَقيدَة
ما قِدَر كُرسي الحُكُم يوصَل يَزيدَه
لو ما هذا الحِقِد ضد بيتِ النبي
ما غِدَر بِحسين سيفِ الناصِبي
جِسمَه عاري بلا جِفَن
إشهد إشهد يا زمن
******
شِنهي رَدَّة فِعلَه قِللي تكون أبوها
وشاف بِنتَه أولاد هِندَه يعَذِّبوها
شلون مِن يِسمَعِ الزهرة يشَتِّموها
زينب من أُمها الزجية يَتِّموها
ما رِعَوا حُرمَة محمد والكِتاب
أَبَد ما حِسبَوا غَضَب يومِ الحِساب
حِقِد بالسِر و العَلَن
إشهد إشهد يا زمن
******
راحَت لرَبِّ العَرِش نازِل دَمِعها
تِشكي مِن القِتَل مِحسِنها وفِجَعها
فاطمة بريحِ الحِقِد طَفَّوا شَمِعها
راحَت ومَكسور خاطِرها وضِلِعها
مِن غَضَب رَبِّ العَرِش نازِل غَضَب
عالشِعَل بالباب نيرانِ الحَطَب
و انحَرَم جَنَّة عَدَن
إشهد إشهد يا زمن
******
لِبَس لامَة حَربَه حَمّايِ الحَميَّة
مِن سِمَع رادَوا نَبِش قَبرِ الزجية
قال هذا الأمُر مو ضِمنِ الوصية
والله ما خَلّي الزِّلِم فوق الوِطيَّة
سيف ذوالفَقّار بيهُم يِبتِلي
والله يِستُر لو زِعَل حيدر علي
ما يِظَل عابِد وَثَن
إشهد إشهد يا زمن
******
لا تِظِن مَسدودَة بابَك بيتِ الأحزان
ولا تِظِن ضايِع قَبُرها ما له عِنوان
عِندي للرايِد يزورَه هذا بُرهان
بكِل قَلُب شيعي أَثَر مَحفور نيشان
بكِل قَلُب تِلقاه للفاطِم جَريح
باني للزهراء بي قُبَّة و ضَريح
بالقَلُب قُبَّة و صَحَن
إشهد إشهد يا زمن

المرسل: السبت, 12 كانون1/ديسمبر 2020