Wed20211201


سيف الله

باسم الكربلائي

عدد التحميلات
182
كود المدونة او الموقع
لإضافة مقطع سيف الله بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
سيف الله - باسم الكربلائي
تاريخ الاضافة
2020-02-05 15:23:43
عدد الاستماعات
19
المدة
00:18:26
عدد التحميلات
182
نص هذا المقطع

القصيدة : سيف الله
الشاعر : علي السقاي

الرادود : الحاج ملا بلاسم الكربلائي
المناسبة : ليلة 7 جمادي الآخر 1441
المكان : ديوان الكفيل - لندن

سيف الله يحچي الليله وَيّه سيفه
كل واحد اعله الثاني يِبدي حيفه
عن فاطمه ايدور الحوار
بين الأمير اْو ذو الفقار
******
ذو الفقار ايصيح ضايج ابهَمّه
بس إمام الكون يگدر ايفِهمه
سَلّم ابإجلال عالذي ايلزمه
ألسلام اعليك يا أبو الهِمّه
مو عتاب اْو لوم عندي چم كلمه
ماخَذتني ليش ساعة الهجمه
ايحَشْمَه يمن هِجمت عِده اعله دارك
إنته الفَتَى اْو هذا آنه ذو الفقارك
حيث المديح ابهالشعار
بين الأمير اْو ذو الفقار
******
هذا راعي السيف ابحسرته ايجاوِب
رَد سلامه اعليه والدمع ساچب
ايگله تعرف زين إبن ابو طالب
ينسِف الأجـبـال مِن يهِب غاضب
اشلون اَحارب بيك والله مو كاتب
والنبي بالموت وصّى لَتحارب
ايگله الوصيه من حروبي أصعب
اشلون اَصبر اْو أدري الوديعه تُضرب
اِتجَدَّد ذِكر باب اْو جدار
بين الأمير اْو ذو الفقار
******
سيف ابو الحملات ناده بالعبره
اعليك الِف ياحيف تجذب الحسره
بِيّه چنت اَبطال تِردي عالغبره
اِبحدّي أذكر يوم مرحب اِتشطره
وسفه هالمقدام اِتگيَّد ابصبره
واللي يشرد چان اتعدّه عالزهره
يبچي اْو يگله وسفه مَن تِعزها
قنفذ إجاها وبالغمد وِكزها
تتنقّل اَخبار اللي صار
بين الأمير اْو ذو الفقار
******
صاح ابو الحسنين هاك اِخذ أكثر
بالغُسل حسّيت ابضلع اِلِـ اْتْكسّر
آنه ابو الحملات الفارس القسوَر
الضارب ابسيفين والبطل حيدر
امعطّله الأسماء حگي أتحسّر
أَصبر اْو ياسيف مثلي تتصبّر
ياذو الفقاري اْو صارمي اْو حُسامي
اْو ذو الإصطبار ابآخِـر الأسامي
ينضح مَرار الإصطبار
بين الأمير اْو ذو الفقار
******
صاح هذا السيف الماعرف غمده
الباري يابوحسين اِلـ أزرك ايشدّه
بالفَتِح ياحـيـد من گبل مُدّه
ابكسرك الأصنام صارت العُقده
والدفع هالباب نفسه مترصده
كَسرة الأضلاع وحده ضد وحده
شِن حربك اْو خل اَفضخ الجماجم (حرب الضلِع) تتسَمَّه بالملاحم
ابأمر الحرب يصدُر قرار
بين الأمير اْو ذو الفقار
******
لن جليس الدار بالحَزِم يبدي
ايگله لا ياسيف ملتزم عَهدي
ثاري مو هاليوم ثاري من بعدي
اْو تنتقل مَوروث اِلقبضة المهدي
مو فقط بجيوش بالرعب يحدي
بالمدينه ايصيح أَثـأر اِلـجدّي
إدعي الصمَد يوم الفرج يعَجله
ينبش قبور السامري اْويه عِجله
ماتطفه نار الإنتظار
بين الأمير اْو ذو الفقار
******
هالحوار الدار امسجله احروفه
اْو شيعة الكرار اتسمعه ملهوفه
تنتظر هالسيف رايده اتشوفه
من يجي الموعود اْو كلها بصفوفه
ياخذ الثارات ابدمعه مذروفه
امن الحجاز ايروح المسجد الكوفه
اْو لابُد يمُر اعله النجف زياره
يقره أمين الله اْويه ذو الفقاره
ايصير اللقاء ابهالمزار
بين الأمير اْو ذو الفقار

المرسل: الأحد, 13 كانون1/ديسمبر 2020