Sat20201031


الأيام الفاطمية 1441 - 2

باسم الكربلائي

عدد التحميلات
73
كود المدونة او الموقع
لإضافة مقطع الأيام الفاطمية 1441 - 2 بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
الأيام الفاطمية 1441 - 2 - باسم الكربلائي
تاريخ الاضافة
2020-01-21 15:57:29
عدد الاستماعات
10
المدة
01:37:11
عدد التحميلات
73
نص هذا المقطع

قصيدة : كون اموت
للشاعر : احمد الذهبي
المناسبة : ليلة 14 جمادى الأولى 1441هـ

طور: ما_أخاف
المکان : حسينية داوود العاشور البصرة ابي الخصيب



كون اموت .. ولا اشوف امي الحنينة جنازة
كون اموت .. وما اعيش ابلا حضنها ابعازه
اتوسلت موت الخذاها
بلكي ياخذني وراها
كــون امـــــــــــوت
*****
امي كلمة عافيه و شجرة محنه
امي وحده وشايله كل طيب اهلنه
هيه جنه وهم تحت رجليها جنه
كلشي بيها امي وابد ما بيها منه
وين اروح .. وامي شالت والحنان وياها
وين اروح .. كل مكان بروحي بي ذكراها
صدري يتنفس هواها
اتوسلت موت الخذاها
كــون امـــــــــــوت
*****
امي مو كل ام تره امي الزجيه
اشگد فضلها وخيرها زايد عليّه
لو ردت منها العمر تنطي اليّه
وكلشي تنطيني قبل لا امد اديه
ما تشوف .. عيوني يوم الما اشوف عيونها
ما تشوف .. اسنيني راحة واني اعيش بدونها
عميه عيني ايلا ضواها
اتوسلت موت الخذاها
كــون امـــــــــــوت
*****
گتله يا موت انتظر خليني اشمها
خل اقبل ايدها و باطن قدمها
الچانت تظمني من العيون بهدمها
والله مو سهله عليّ بتراب اضمها
ما يفيد .. عمري لو ابدله اويه عمر الوالده
ما يفيد .. الفارگ امه ادعوله الله يساعده
ولو يصح بيده اشراها
اتوسلت موت الخذاها
كــون امـــــــــــوت
*****
امي وانه ادري شنو خالقها ربها
ادري ليش الله وعباد الله تحبها
حته من تعتب ولا يجرح عتبها
تغار حته الطيبة من طيبة گلبها
كل صلاة .. تشيل اديها وهي ما محتاجه
كل صلاة .. تدعي للناس ابقضاء الحاجة
والله يتقبل دعاها
اتوسلت موت الخذاها
كــون امـــــــــــوت
*****
امي من ماتت وگف كلشي ابمكانه
واني واخواني صحت شالوا غطانه
چننه دافيين بأمان الله وحنانه
استعجل اعلينه اليتم وزغار اجانه
كل يتيم .. الفاگد امه يعيش جرحه ابطوله
كل يتيم .. يحجي ضيمه المن بعد ويگوله
الدوّر امه وما لگاها
اتوسلت موت الخذاها
كــون امـــــــــــوت
*****
كلمة امي واعتقد معناها دمي
صدري يتنفس عطر شيلتها يمي
عمت عيني وما مت من ماتت امي
يا حنين اللي بعد اشكيله همي
شي اكيد .. گلبي يذرها ويكتله غيابها
شي اكيد .. ابگه اشتاگ واشم بييابها
عمت عينه اللي نساها
توسلت موت الخذاها
كــون امـــــــــــوت
*****
ردت من امي تظل خيمة اعله عمري
وعايشه الحد ما شمر يجيثي اعله صدري
ويلي يمه تصيح اذا يگطعلي نحري
وگبل لا دمي يصب دمعتها تجري
لو اطيح .. اسم الله تصيح وتحاجيني
لو اطيح .. تگول يا يمه يالسهام بعيني
فيّ تسويلي بعباها
توسلت موت الخذاها
كــون امـــــــــــوت

المرسل: الأحد, 12 نيسان/أبريل 2020