Sun20210228


قايدني الدمع

باسم الكربلائي

عدد التحميلات
125
كود المدونة او الموقع
لإضافة مقطع قايدني الدمع بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
قايدني الدمع - باسم الكربلائي
تاريخ الاضافة
2019-05-15 14:55:32
عدد الاستماعات
13
المدة
00:09:36
عدد التحميلات
125
نص هذا المقطع

القصيدة : قايدني الدمع
الشاعر : عمار هليل الواسطي

الرادود : الحاج ملا باسم الكربلائی
المناسبة : الليالي الفاطمية ١٤٤٠ هـ
حسينية المرحرم داود العاشور-البصرة

 

قايدني الدمع والنوح
دافن مهجتي وعمري
خطواتي بثقل همّي
جاوز كل صبر صبري
مظلومة يا فاطمة
محرومة يا فاطمة
******
قلبي الذاب شاف مصاب
لاچن ما مثيله إمصاب
هدم حيلي وأنا بحيلي
من خيبر قلعت الباب
ليل أحزان لا ما هان
عمري إندفن جوّه إتراب
يروحي بحسرتچ زيدي
دافن مُهْجتي بيدي
صار النوح ترديدي
راحت فاطمه منّي
ومن المصطفى عذري
مظلومة يا فاطمة
محرومة يا فاطمة
******
كبر جرحي وطُفَه صُبحي
ليل أظلم نهار اليوم
جره دمعي وألم ضلعي
لن شفت الضلع مهشوم
بجمر حزني إبتده ونّي
أمسيت بجرح ملچوم
دارت عكس أيامي
سكنت لحد أحلامي
الليله أولادي أيتامي
زينب لَوَن تنشدني
عن أمهه تشب جمري
مظلومة يا فاطمة
محرومة يا فاطمة
******
دَفِن بالسر گلت أصبر
وصيّه وملتزم بيها
قبر مخفي عن الأنظار
حكمةْ ربنا أدريها
يحيدر عن قبر فاطم
الوادم لا تدلّيها
زادت لوعِتي وهمّي
أمس أم الحسن يمّي
لون الدمع من دمّي
معذور الدمع من دم
على بنت النبي يجري
مظلومة يا فاطمة
محرومة يا فاطمة
******
قلبي الشاب من إنصاب
سهم الشامت ايلوحه
بيّه إحساس ما ينقاس
مثل واحد دِفَن روحه
ياهو الشال مثلي جروح
خلّي يسولف جروحه
راواني الزمن كلشي
بجنازت حلم أمشي
حسبالك شلت نعشي
وهذا القبر يا هالناس
أصبح هالمسه گبري
مظلومة يا فاطمة
محرومة يا فاطمة
******
حقهه الروح وين اتروح
وأم الحسن ما هيّه
مناحه العمر واسنينه
على الراضيه المرضيّه
بس رب العرش يعلم
أصبح چم جرح بيّه
جرحي بفقد أم البيت
جرح أيتامي بي عانيت
جرح الوحّدي ظليت
منهن من كثر همهن
الربنا فوضت أمري
مظلومة يا فاطمة
محرومة يا فاطمة
******
يعرفوني فتى الإسلام
بس شِيمَتْهُم يغدرون
لوما هالوصيّه تصير
موت أحمر تره يلاگون
أمْحيهم وحگ فاطم
وهُمّه بهالأمر يدرون
وحق الضلع والمحسن
أصَفّنْها الإنس والجن
أخلّي إعداي تهرب مِنْ
سيفي ويشهد الفقّار
حليفي وشاهد النصري
مظلومة يا فاطمة
محرومة يا فاطمة

المرسل: الثلاثاء, 29 كانون1/ديسمبر 2020