Wed20210804


طف كربلا

باسم الكربلائي

عدد التحميلات
285
كود المدونة او الموقع
لإضافة مقطع طف كربلا بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
طف كربلا - باسم الكربلائي
تاريخ الاضافة
2019-03-31 06:06:00
عدد الاستماعات
58
المدة
00:21:39
عدد التحميلات
285
نص هذا المقطع

القصيدة : طف كربلا
الشاعر : السيد عبد الخالق المحنه

الرادود : الحاج ملا باسم الكربلائي
 المناسبة : وفاة السيدة زينب (ع) 1440
 حسينية الحاج داوود العاشور - البصرة
ليلة 16 رجب 1440 هـ

 

طف كربلا ابتابوت لو زينب انتي
متوسده نار اخيام و اعليها نمتي
نعشج ثگيل .. طيحة كفيل
لو زينب انتي
******
شقت نعشج .. ارض تمشي
حرت مدري شسميه
خيم تلهب .. زلم تنهب
شريعة و تل شفت بيه
شفت نبله .. و طفل ضامي
سكت و اسمع محاجيه
شفت طيحة .. اخو عالشط
و اخو اسمع بواجيه
نعشج اشوفه ابطول درب السبايه
ساحة حرب و الخيل زفة منايه
خوف و عويل .. طيحة كفيل
لو زينب انتي
******
شفت الف .. و تسعمية
جرح ينزف عالتراب
شفت راية .. و زند طاحن
گمر غيّب بالعتاب
شفت رفسة .. ابصدر غيرة
و نذل ينطر عالحجاب
شفت اشرف .. نسه العالم
حياره ابين الأجناب
لا مو نعش ينشال روس الغيارة
عايز شمر و يصير موكب يساره
ابدرب الطويل .. طيحت كفيل
لو زينب انتي
******
منو يحمل .. ثگل نعشج
يبت حيدر تسألين
و اهي بس .. النجف تگدر
تشيل الطف تعرفين
اذا خذتي .. الحزن كله
بعد عدنه اشتخلين
نعم ميته .. لجن بعدج
لبو فاضل تحنين
نعشج ابو الحسنين لو شاله يتعب
اثگل عليه من باب خيبر يزينب
حامي الدخيل .. طيحة كفيل
لو زينب انتي
******
شفت سبعين .. الف فارس
وسط نعشج يصولون
وبو فاضل .. كبر خزرة
و اهم گاموا يزغرون
الف طاحوا .. الف راحوا
الف ظلوا ينظرون
مله جوده .. او مسح ايده
خجل من اليعطشون
رد او غبار الخيل غطى الشمس بيه
غاضب او سبع ابحور ما ظن تطفيه
هذا الدليل .. طيحت كفيل
لو زينب انتي
******
انه شايف .. نعش لكن
خلل يمكن بالعيون
شفت شبه .. الزلم تركض
على الخدر يسلبون
اذا زينب .. اهي الميته
اذا بيمن يشتمون
و أنا اسمع .. عدد منهم
بسم زينب يصيحون
زينب ابين النار انظر عليها
تلزم هذوله ايروح ذاك امن اديها
وين البديل .. طيحة كفيل
لو زينب انتي
******
يزينب انتي .. مو انتي
جوابج ما عرفناه
رمال او خنصر .. او حافر صدر
مكسور اكو اهنا
ابو الاكبر .. بلا منحر
وسط نعشجج رأيناه
خرابه او .. طفله مقتولة
او طفل ميت لگيناه
احمر هذاك السوط دم متنج اعليه
ماخذته بالتابوت المن توديه
منهو اليشيل .. طيحة كفيل
لو زينب انتي
******
اذا حيدر .. حمل نعشجج
عجب وين اليشيعون
عليل .. ايگود برقية
يعمتنه يصيحون
دوسعوا .. لحد عمتنه
علي ايوصي اليحفرون
اريده .. ابكبر المخيم
تره اخوتها يحضرون
وسط الگبر ينشاف جف اودمعتين
ثاري اعله جف عباس نزلها الحسين
طاح العليل .. طيحة كفيل
لو زينب انتي

المرسل: الثلاثاء, 29 كانون1/ديسمبر 2020