Thu20210513


الله شاء الليلة

باسم الكربلائي

عدد التحميلات
263
كود المدونة او الموقع
لإضافة مقطع الله شاء الليلة بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
الله شاء الليلة - باسم الكربلائي
تاريخ الاضافة
2019-02-03 06:54:57
عدد الاستماعات
30
المدة
00:15:03
عدد التحميلات
263
نص هذا المقطع

القصيدة : الله شاء

 الرادود : الحاج ملا باسم الكربلائي

المناسبة : الليالي الفاطمية 1440

هيئة الصديقة الطاهرة - الديوانية

 

الله شاء الليلة اعوف احبابي

عنكبوت و طير ماكو ابابي

اقره بعيون السمه

الليلة تُقتل فاطمة

*****

الليلة احس الباري كاتبلي اموت

جن سفينة عمري متلگيها حوت

و الحمامة تنوح بس بلايه صوت

ما حضرني و يعتذرلي العنكبوت

بغار حراء والدج حاميتهه

ما قسم لي الباري احرس بيته

صاح يا ربي لِمَ

الليلة تُقتل فاطمة

*****

جوه شجرة طوبى اشم ريحة عزاء

و النصب جادر محمد بالسماء

هذا آدم دخل خلفه الأنبياء

البگه براسك يا امام الأتقياء

ترس روحي المصطفى بونينه

يگلي بوسليي الحسين بعينه

ابني يا هو اليتمه

الليلة تُقتل فاطمة

*****

يا هلا بموتي اذا لهلي اروح

و انسه طعم الآه و الهم و الجروح

بس اخافن علي يظل ابلايه روح

و اني اعرفه شلون من سكته ينوح

يحترگ دمه و اشم دخانه

مثل بيت احزاني بيت احزانه

ويلي يا حامي الحمه

الليلة تُقتل فاطمة

*****

زينب ابنيتي مثل نسمة سَحر

ترفه مثل الماي و تفلش الحجر

طفله بس عيونها تحس بالخطر

النظرة منها تكبر جروحي دهر

اليتيمة الناس تمسح راسها

و الاميرة ينجرح احساسها

و النده يصبح ضمه

الليلة تُقتل فاطمة

*****

هيه مو حسبة ضلع لو حز وتين

القصد مو فاطمة المقصود دين

رادوا يغدرون رب العالمين

و اللعين يصير امير المؤمنين

رادوا يذبحون دين الباري

و الفسوق شيء اجباري

بيّه دين الله احتمه

الليلة تُقتل فاطمة

*****

من كسر ضلعي و بدينه انعد جراح

و انتهينا بروس مشيوله برماح

ونيتي العلّمت زينب عالنياح

وي طيحة عمي احس عبدالله طاح

لحظة المحسن وگع عذروني

جان عبد الله دمع بعيوني

وبحضن عمه ارتمه

الليلة تُقتل فاطمة

*****

الموت راحة بس هضم ولدي العذاب

حسين اشوفه دموعه يشربها التراب

و الحسن مطوي مثل طويت كتاب

محسن الما شم هوه يغتاله باب

آه يا دهري شكثر حسراتي

بس اشد من كسرتي بنياتي

للمصاب محزمه

الليلة تُقتل فاطمة

المرسل: الخميس, 31 كانون1/ديسمبر 2020