Tue20220628


سور البنيته طايح لقيته

باسم الكربلائي

عدد التحميلات
246
كود المدونة او الموقع
لإضافة مقطع سور البنيته طايح لقيته بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
سور البنيته طايح لقيته - باسم الكربلائي
تاريخ الاضافة
2011-06-07 00:00:00
عدد الاستماعات
470
المدة
00:17:06
عدد التحميلات
246
نص هذا المقطع

قصيدة : سـور  الـبـنـيـتـه

الشاعر : الادیب جابر الكاظمي

الرادود : الحاج ملا باسم الکربلائي

 

سـور  الـبـنـيـتـه ... طـايـح لگيـتـه
******
يـا مـا سـهر جفني و تعب گلبي و فنيت الروح
تـالـيـهـا  يـابني  يا علي من بين ايديّ اتروح
بـعـيـني  شفت ذاك السهر من منحرك مسفوح
شـيـصـبـر  الأم لـو لكَت نحر الابن مذبوح
و  غـصـنـي الـسگيـتـه ... طـايح لگيته
******

حـسـبت  اشوفك بالشدد سور و عمد منصوب
تـالـيـهـا  شفتك  منذبح و من الدمه مخضوب
عِـجـبة  اعلى  قلبي ليه صبر من عاينك مصيوب
كـل  هـالنوايب و الغصص زين القلب ما يذوب
و  زرعـي الـرُبـيـتـه ... طـايـح لگيـته
******

يـا بـنـي عـلي لمن طحت جرح الگلب ناداك
تـعـبـي الـتـعـبته و السهر طاح ووقع وياك
انـسـى حـياتي و كل وجودي و لا تظن انساك
و تـبـدد اسـنـيـن العمر يا وليدي مثل ادماك
فـرعـي  الـجـنـيـتـه ... طـايـح لگيته
******

 يـا مـا سگيـتـك دمـعـتي و مسايل الأعبار
اتـرجـه  عـودك يـفـتـرع و اتـهنه بالأثمار
و يـا مـا حـرستك يا علي و ردتك عمد للدار
لا  ظـل غـصـن لا ظل عمد بس الدمع و النار
و داري الـحـمـيـتـه ... طـايـح لگيـته
******

 يـا ولـيـدي كـل أم لو ابنها عنها غاب و راح
تـنـتـظـره يـرجع و الگلب عنه الحزن ينزاح
بـس  آنـا  جـسمك يا علي اقبالي تهاوه و طاح
مـن  بـعـدك اگضي دنيتي بنوح و حزن و نياح
و  ابـنـي الـتـنـيـتـه ... طـايـح لگيته
******

 بـاصـرنـي يـصـبـي البصيره فگدتك عيناي
لـو  طـالـت  أيـام العمر جيف البصر و الراي
اشلون  أگضي عمري يا نجم عمري الهوه من إسماي
أيـامـي  عگبـك مـوحشه و تمطر حزن دنياي
نـجـم الـهـويـتـه ... طـايـح لگيـتـه
******

 مـا مـن بـشـيـر الـجيتك لا من خبر مأمول
أتـمـنـه يخلص هالعمر خوفي اعله عمري ايطول
عجبه اعله ناري جيه تشب و ادموعي تجري اسيول
دوهـنـي فگدك يا علي و ابدهشه روحي اتگول
عـمـري  الـفـنـيـتـه ... طـايـح لگيته

المرسل: الخميس, 20 أيار 2021