Mon20190923


راح أنحب

باسم الكربلائي

عدد التحميلات
55
كود المدونة او الموقع
لإضافة مقطع راح أنحب بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
راح أنحب - باسم الكربلائي
تاريخ الاضافة
2018-12-16 16:27:15
عدد الاستماعات
3
المدة
00:14:47
عدد التحميلات
55
نص هذا المقطع

قصيدة : راح انحب

للشاعر : كرار حيدر الخفاجي

المناسبة : رثاء الامام الحسن (ع)

طور : طف_الجرح نوحي_على_الأولاد

رَاح انْحَبِ اِعْلَه اوْلَادِيْ كِلْ صُبْحِ اِوْ مِسِيَّه

بـيـنِ الـمَدِيـنَـه اِوْ بـيـنْ أرْضِ الـغَـاضِـرِيَّـه

*****

أسْـمَـعْ " عَلِيْ بِـنْ فَـايِـزِ " الگالِ ابْـوِنِينَه

( نُـوحِـيْ عَلَى الأوْلَادِ يَـازَهْـرَه الحَزِينَه )

مَا يِدْرِيْ گلْبِيْ اِعْلَه الحَسَنْ يِبْچِيْ وِ احْسينَه

ذولَـه العْزَازِ اِوْ أغْـلَـه مِـنْ رُوحِـيْ عَلَيَّه

*****

أنْحَبْ مِثِلْ بِنْتِ الغُصِنْ لوْ فَاضْ دَمْعِيْ

حَتَّى كَسِرْتِيْ اِعْلَه الوِلِدْ نَسَّتْنِيْ ضِلْعِيْ

كِلْ يوم ادَوِّرْ نَاعِيَه اعْلَه احْبَابِيْ تِنْعِيْ

أهْـدِمِ ابْـحيلِيْ اِوْ أبْنِيْ مَـأتَـمْ لِلـرِّزِيَّـه

*****

آنَـه اِعْلَه مِحْنَةْ كَـرْبَـلَـه بَـسَّ الله حَسْبِيْ

امْنِ احْسينْ گِطْعَوا مَنْحَرَه گِطْعولِيْ گلْبِيْ

غوْرِگتْ عينِيْ امْنِ الدَّمِعْ مَا اشُوفْ دَرْبِيْ

أتْـوَچَّـه گمْتِ اِعْلَه العَصَه اِوْ لَا حيلْ بِيَّه

*****

وِ احْسينْ ظَلَّتْ بِالشَّمِسْ مَطْرُوحَه جِثْتَه

مَسْلُوبْ ثوبَه اِوْ بَـسْ رَمُـلْ مَفْرُوشْ تَحْتَه

يِنْلِچِمْ مَدْرِيْ امْنِ الشَّمِسْ مَدْرِيْ مِنِ اِخْتَه

مِـنْ نَـادِتَـه يَـحْـسـيـنِ اِذَا حَـيْ رِدْ عَلَيَّه

*****

مَكْسُورَه خَاطِرْ مَا شِفِتْ بَـسْ نَايِبَاتِيْ

مُوْ بَسْ عَلَى اوْلَادِيْ نِحِتْ حَتَّى البَنَاتِيْ

ليشِ اِنْسِبَنْ فوگِ الهِزِيلَه امْـدَلِّـلَاتِـيْ

اُمْ چَلثُومْ وَيْ زينَبْ مِشَنْ بين آل اُمَيَّه

*****

تِجْرَحْنِيْ زينَبْ لـوْ إجَـه ابَّالِيْ سَبِيهَا

ايْضِرْبُوهَا بِالسّوطِ اِوْ تِشَاگِفْهُمْ بِديهَا

طُولِ السَّبِيْ اِتْكَسِّرْ عَالاطْفَالِ ابْحَچِيهَا

سِكْنَه اِوْ حَمِيدَه اِوْ فَاطِمَه اِوْ خَوْلَه اِوْ رُقَيَّه

*****

حَالِيْ الحَزِينِ المَا يِسُرْ حَتَّى الأعَادِيْ

مَا نِمِتْ لِيلَه اِوْ چَمْ سَهَمْ گطَّعِ اِفَّادِيْ

مَدْرِيْ أنَادِيْ حَسَنْ لوْ يَحْسين انَادِيْ

مَدْرِيْ يَزينَبْ أصْرَخِ ابْدمْعَه جِرِيَّه

المرسل: السبت, 13 نيسان/أبريل 2019