Sat20191116


أويلاه

باسم الكربلائي

عدد التحميلات
109
كود المدونة او الموقع
لإضافة مقطع أويلاه بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
أويلاه - باسم الكربلائي
تاريخ الاضافة
2018-10-18 17:49:05
عدد الاستماعات
7
المدة
00:18:14
عدد التحميلات
109
نص هذا المقطع

قصيدة : أويلاه هذا البدر

للشاعر : احمد الذهبي

المناسبة : رثاء الامام السجاد (ع)

الزمن : ليلة 26 محرم 1440 هـ

حسينية ام الحسن (ع) - البصرة - قضاء الفاو

اويلاه .. هذا البدر من يا سمه

اويلاه .. هذا القيود بمعصبه

كاسر اعظامه حبل قيد الأسر

و منحني و صاير مخيم عالخدر

اويلاه

*****

يا حلم رايد جواب

جبت صورة يا مصاب

و راودتني

اني ما شايف اسير

منحني بهيبة امير

و شوفتني

هذا معقولة العليل

يسند الناقة التميل

و حيرتني

اقطع الشك باليقين

هذا زين العابدين

جاوبتني

حرامات .. ذاكه التشوفه ابن النبي

حرامات .. ذاكه اليهضمونه بسبي

باجر امن الله اليجرحه اشيتعذر

و منحني و صاير مخيم عالخدر

اويلاه

*****

عاليتامه مخلي عين

و عين يم نحر الحسين

و هيه حيره

عالرمح شالوا ضواه

و تنضرب زينب وراه

و هيه اميرة

سياط و احبال و سويف

و عين ما ترحم تشوف

ماكو غيرة

و العبد صاير وزير

و الملك ظل يستجير

بلايه ديره

حسيناه .. دار الزمن بأهلك تره

حسيناه .. دار و حكم خصمك جره

و دارت و حسرة بناتك تستمر

و منحني و صاير مخيم عالخدر

اويلاه

*****

ايد شدوها اعله ايد

رقبة لفوها بحديد

و ممشه هيمة

ينحني بس ما يطيح

و ريح يتوجه اعله ريح

و دمعه غيمة

جنه يسأل يا سماء

للنوارس ماكو ماء

ماكو خيمة

و سكنة تسأل عالدلال

و يجرح احساسه السؤال

و بي هضيمة

يعباس .. ماي اليتامكم ردت

يعباس .. ماي السكينة ردت

عطشت ولسه الرجعتك تنتظر

و منحني و صاير مخيم عالخدر

اويلاه

*****

كل جرح ينزف عتاب

يممم جروحه التراب

و ما توضه

الخطوة تسبيحة و صلاة

و يسجد و تسجد عصاه

و أده فرضه

يرتل آيات الوداع

مسافر و حزنه المتاع

ما يرفضه

الفاقد اخوان و عمام

ذبحوا اقباله الأمام

من يعوضه

عالآواه .. راعي الحميه لو صحت

عالآواه .. راعي الكفالة يلتفت

بلكن يشوفه و يكف سوطه الشمر

و منحني و صاير مخيم عالخدر

اويلاه

*****

يصيح يا زينب سلام

لونج ارماد الخيام

شما لمحته

صوتج الدافي الحنين

تغير و اسمع ونين

و انه خجلان امن اجيج

الحبل ياكل بديج

و ما قطعته

و الشمر رحمه اعتناج

و انه اباوعله امن اجاج

و ما دفعته

سلامات .. ها يالبقتي من هلي

سلامات .. ها يالتنادني علي

و عاشت وياج الجروح امن الزغر

و منحني و صاير مخيم عالخدر

اويلاه

*****

يمشي و يسولف امان

و عالضعن يمطر حنان

و يقره آية

يخاف لا يوقع يتيم

و طفلة تشتاق و تهيم

بلا دراية

صحره و عيون الذياب

جسرة ما ترحم حجاب

بلا حمايه

يدري ضعنه بلا كفيل

ماكو للكافل بديل

و ماكو راية

على الآه .. يحله بعذاباته الشمع

على الآه .. يحلى بنياشينه الدمع

تخلص الظلمة و يشع نور الفجر

و منحني و صاير مخيم عالخدر

اويلاه

*****

بالقصر ما عنده سيف

و جان من يحجي اعله كيف

بس كتلهم

هنا وقف و هنا يزيد

هنا ملك و هنا عبيد

و ترجملهم

انا بن نهر الحياة

عمي ذل ماي الفرات

و باوعلهم

نظرة بس جانت تقول

و تشرح انساب الأصوال

و عار اصلهم

وعدناه .. عرش الضلاله ينهدم

وعدناه .. عرش الخيانه ينهزم

ينتهي الطاغي و علمنه الينتصر

و منحني و صاير مخيم عالخدر

اويلاه

المرسل: الثلاثاء, 16 نيسان/أبريل 2019