Mon20181217


يا نجمه

باسم الكربلائي

عدد التحميلات
44
كود المدونة او الموقع
لإضافة مقطع يا نجمه بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يا نجمه - باسم الكربلائي
تاريخ الاضافة
2018-10-07 18:26:09
عدد الاستماعات
3
المدة
00:17:33
عدد التحميلات
44
نص هذا المقطع

قصيدة : يا نجمة

للشاعر : احمد الذهبي

 المناسبة : ليلة 19 محرم 1440 هـ

 المكان : حسينية الحاج داوود العاشور

يانجمة لو شفتي القمر يم النهر روحيله

زينبكم ابليل السفر شبعت قهر و احجيله

هذا انته يا وجه الصبح

لو هذا قلبي اعله الرمح

*****

اخذوني عميه اعله الهزل

ما ادري وين المسره

اني ادري اخوي شكد وفي

عنده الوفه اعله الفطره

يعرفني بس قائد خدر

ما اصير قائد اسره

شيريد جفين و يجي

اخذي له يمنه و يسره

قوليليه وديله هوه انطي ضوه و يرجعلي

تسقيني دمعه امن الضمه انطي دمه و يفزعلي

اعتب بعد لو ينجرح

لو هذا قلبي اعله الرمح

*****

عباس جان امن الزغر

يحجي لي عالعاشقته

و يحبها و تحبها برغم

ما شافها و شايفته

من يلتقي ايواها بشرط

من يمها و يعوف اخته

و الصدفه صاروا والتقوا

راعي الوفه و مشرعته

قوليله شوق المشرعه ما قطعه قطعني

يالغافي بأحضان النهر هذا السهر ضيعني

و جروحي عاشرهن ملح

لو هذا قلبي اعله الرمح

*****

قلتلها شيقول انتظر

لو هاي هي اتيسر

قالتلي حمّاي الضعن

مقطوعه اديه و المنحر

قلتلها اعرفه بنخوتي

ميت و ما يتعذر

قالت لي عرقت غيرته

ماي الفرات اتبخر

مو قال مهلا عالسبي بنت النبي شـتتمهل

جابوا الهودج و انتهت و اخته اركبت عالهزل

ما اشرح يطول الشرح

لو هذا قلبي اعله الرمح

*****

قوليله وي وادم غرب

مشيتها زينب كلفه

خط الخيال برايتك

شافته عيون الصلفه

و اطفالك احبال السبي

توجع و اديهم ترفه

يا حره مثلي مجتفه

ما تدري وين الملفه

حاجيني وين انطي الوجه وين انتبه ما ادري

جم طفل يبجي من الظمه من معصمه الدم يجري

و الليل بغيابك وكح

لو هذا قلبي اعله الرمح

*****

حاجيت راسه اعله الرمح

خجلان ما جاوبني

يا نجمة حاجيلي الجسد

بلكي الجسد يسمعني

ليش امن اباوع للسمه

برمحه الشمر يدفعني

يدريني اذا شفت القمر

عباس اشوفك يعني

تمنيت اشوفه و لو حلم بس المهم احجيله

ابجيله من عيني نهر و اعتب دهر و اشكي له

اسمع نبض قلبه السمح

لو هذا قلبي اعله الرمح

*****

معقوله اصيحه و ما يرد

و احتاج اله و ما يفزع

عباس اذا اصيحن يجي

قبل الصدى ما يرجع

انه اقطع ابروحه اعتقد

بس هو لا ما يقطع

كل هذا بيه و ما دره

معناها اخويه مقّطع

سلميلي على الغالي بعد هذا الوعد يا نجمه

و اشكيله جرح الـ بالقلب و بيا ذنب يلجمه

قوليله مثلك ما يصح

لو هذا قلبي اعله الرمح

*****

امشي و على الله و عالصبر

و الراي راي الهزّل

اعثر و اطيح اعله الدرب

و يسبني شامت و اقبل

ما اخاف و اني بالظغن

بعد الكفيل اتكفل

يا نجمة مو سهله الشمس

بالليل من تتوسل

راح ادخل بزودي القصر راح انتصر و بزودك

و اتباها قدام الشمر و ابقه افتخر بزنودك

ما عندي وياهم صلح

لو هذا قلبي اعله الرمح

المرسل: الأربعاء, 28 تشرين2/نوفمبر 2018
 
يا نجمه : باسم الكربلائي