Tue20181218


أمك يا جاسم

باسم الكربلائي

عدد التحميلات
38
كود المدونة او الموقع
لإضافة مقطع أمك يا جاسم بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
أمك يا جاسم - باسم الكربلائي
تاريخ الاضافة
2018-09-30 16:22:32
عدد الاستماعات
0
المدة
00:09:56
عدد التحميلات
38
نص هذا المقطع

قصيدة : أمك يجاسم

للشاعر : عمار هليل الواسطي

 المناسبة : استشهاد القاسم بن الحسن (ع)

 الزمن : ليلة 8 محرم 1440 هـ

 المكان : هيئة شباب علي الاكبر - لندن

أمك يجاسم بالدمع طفيت الشموع

والحنه دمك والشهاده عرس الدموع

*****

يا تعب عمري وسهر ذيچ الليالي

ذكرياتك صور مرسومه اعله بالي

غالي انت وعمك المظلوم غالي

بكربله جازيت تعبي وكل دلالي

يالبيضت وجهي رغم ما گلبي مكطوع

والحنه دمك والشهاده عرس الدموع

*****

سنين وعيوني عليك وگلبي صابر

تكبر گبالي واشوفك گمر زاهر

يالترست الروح آمال ومشاعر

صورتك بدموعي رسمتها النواظر

حتى النبض صار بغيابك يبني موجوع

والحنه دمك والشهاده عرس الدموع

*****

من رسم دهري تجاعيد اعله خدي

چنت اشد الحيل بيك وانت عندي

لكن وداعة غلاتك ذاب چبدي

بيك وصاني الحسن ودموعي ردي

گلّي يرمله بيوم عاشر روحچ تلوع

والحنه دمك والشهاده عرس الدموع

*****

كربله والموعد بعاشر محرم

من نهاري يصير يشبه ليلي الاظلم

انطيتك وصية ابوك ودمعي هل دم

توجهت لحسين كتله ارخصني يا عم

شاف الوصيه وشفته ناح وگلبه مفجوع

والحنه دمك والشهاده عرس الدموع

*****

آني بالخيمه وعلى الميدان اباوع

دهري كل لحظه بخبر مشؤوم راجع

من طلعت وچان گلبي وياك طالع

وانقبض چَنّه خبر مو زين سامع

 ثق گلبي يعلم ما تجيني وترجع رجوع

والحنه دمك والشهاده عرس الدموع

*****

يبني معذوره الدمع لجلك اهلّه

صعبه ترجعلي وذر لتظنها سهله

بخيمتي ويمي الحرم يا نوح املّه

گمنه نتناوب نوّن ثكله ويه ثكله

لا ما خفه يمك نحيبي و وني مسموع

والحنه دمك والشهاده عرس الدموع

*****

كربله شعافت مصايب تاخذ الروح

حسين عمك يبني بعدك شفته مذبوح

نطفي يا نار بدمع من نار مسفوح

نار تلهب بالخيم لو نار الجروح

حتى البچي بدرب السبي يوليدي ممنوع

والحنه دمك والشهاده عرس الدموع

المرسل: الإثنين, 03 كانون1/ديسمبر 2018
 
أمك يا جاسم : باسم الكربلائي