Wed20181212


بده وزن القصيدة

باسم الكربلائي

عدد التحميلات
38
كود المدونة او الموقع
لإضافة مقطع بده وزن القصيدة بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
بده وزن القصيدة - باسم الكربلائي
تاريخ الاضافة
2018-09-30 16:22:00
عدد الاستماعات
0
المدة
00:13:05
عدد التحميلات
38
نص هذا المقطع

قصيدة : بده وزن القصيده

للشاعر : السيد عبد الخالق المحنه

 المناسبة : استشهاد مسلم ابن عقيل

 الزمن : ليلة 5 محرم 1440 هـ

 المكان : هيئة شباب علي الأكبر - لندن

بده وزن القصيدة

على دمعة حميدة

طير الشر نعاها

و مسلم ما اجاها

*****

طفلة و تنظر اطفال العشيرة

كل والد شبق بنته الزغيره

بس هيه بقت مثل الاسيرة

صاحت فقدت الوالد جبيرة

و اهي جانت حبيبه

بدت تشعر غريبه

لا طارش لفاها

و مسلم ما اجاها

*****

متعوده بحضن والدها تغفه

لو فزّت يمد اعليها جفه

عودها و مشه و عليها كلفه

ميت لو عدل هم ما تعرفه

مشه طوّل غيابه

تنام اعله الترابه

مخنوقه بهواها

و مسلم ما اجاها

*****

ساعات و لفاهم ناعي ينعه

و حسين انكسر قلبه اعله وضعه

صاح و كل بني هاشم تسمعه

جيبولي حميدة و يجري دمعه

جابوله اليتيمه

و شعرت بالهضيمه

تتعثر خطاها

و مسلم ما اجاها

*****

جابوها لجن كلش حزينه

قلها يا هلا ابنتي الحنينه

قعدها و خفه عنها ونينه

قالت له مته الوالد يجينه

بقه خالي مكانه

وانه اشتاق الحنانه

بحضانه خذاها

و مسلم ما اجاها

*****

قاللها ابوج انه و نعمي

قالتله ونعم يعمي

بس انه زغيره و تدري همي

ما اغفه اذا ما هو يمي

و انه عيني الطريقه

دقلي بالحقيقة

دنيه بلا ضواها

و مسلم ما اجاها

*****

ابوي و عمي قالتله مقامك

لكن اسمع صياح بخيامك

يا عمي و مرد قلبي كلامك

شو تمسح على راسي علامك

اذا هاذي علامة

صرت وي اليتامه

نكبه و ما وراها

و مسلم ما اجاها

*****

صاحت و الجفن يجدح شراره

يا ربي انهجم قصر الأمارة

يا ويلي انذبح راعي السفارة

جروا بالحبل والله خسارة

فلا يخلص نحيبي

و انه ذبحوا حبيبي

خل تنصب عزاها

و مسلم ما اجاها

المرسل: الإثنين, 03 كانون1/ديسمبر 2018
 
بده وزن القصيدة : باسم الكربلائي