Wed20181212


ما ندري

باسم الكربلائي

عدد التحميلات
48
كود المدونة او الموقع
لإضافة مقطع ما ندري بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ما ندري - باسم الكربلائي
تاريخ الاضافة
2018-09-23 16:39:15
عدد الاستماعات
0
المدة
00:08:25
عدد التحميلات
48
نص هذا المقطع

قصيدة : ما ندري

الشاعر : ميرزا عادل اشكناني

 أصدار : محرم _١٤٤٠

ما ندري مِن يا دِمه    

ظلَّت تِـلِـمْ فاطمه

و اِدمومه متوزِّعه  

بين الأرض و السِّمه

*****

نِزَف دمِّ أبو اليمَّه بالغاضريَّه

أثاري الأثر بالثَّرىٰ اْو بالثُريَّه

جزُء حِنَّه صار ابْچُفوف الزچَيَّه

اْو جزء للخيَم شالته الأعوجيّه

من جالت اعله الصدُر  

طـشِّ الدِّمه ابكل كتُر

ياهو الذي ايْجمّعه   

بين الأرِض و السِّمه

*****

السَّهم من فتَك بالگلب يا هظيمه

تِرس چفَّه و ابدمَّه خضَّب كريمه

المُهر للخيم رَد يخبِّر حَريمه

يزينب دَگومي الظلِيمه الظلِيمه

امْن الخيمه طِلْعَت تضِج  

شافت دمه اعله السِّرِج

اْو صوت المُهر نسمَعه   

بين الأرِض و السِّمه

*****

قمِيصه اِنْسِلَب و ابقميصه اشكثر دمْ

اْو بقايا ثيابه اعله جيش اِتِّـقسَّم

اِلْعِـمَامه أصبحَت عِد مَـنَ اللهُ أعلم

اِغسلوْا دمها لو لا عليها الدِّمه تَمْ ؟

دمَّه الجره اعْله الدِّرِع  

اْو دم خنْصُره المنگِطِع

بيْه نزْلَتِ الواقعه     

بين الأرِض و السِّمه

*****

ارتِفَع راسه و الدَّم يسيل ابرماحه

و إجت سِكنه تصبغ شعرها ابجراحه

مثِلها الغـُراب اللي مَـرَّغ جناحه

اْو گِصد للعليله ابنحيب اْو مَناحه

جابْ إلها صوغة سفَر   

بجْناحه دمِّ النَحَر

ظل ينقل الفاجعه   

بين الأرِض و السِّمه

*****

نِزَل جدَّه و إبإيده قارُوره خضره

جمَع بيها دمِّ اللي حزّوله نَحره

صِعَد و السِّمه طاحت اعْليها قطره

ابسببها ابغروب الشِّمس شفنه حُمره

ابْحِرگه الزچيَّه اصْرَختْ  

بدمَّه الوجِه لطِّخَت

و اتعاينِ لْـمَصرَعه  

بين الأرض و السِّمه

المرسل: الإثنين, 03 كانون1/ديسمبر 2018
 
ما ندري : باسم الكربلائي