Mon20220627


يا دفان زينب

باسم الكربلائي

عدد التحميلات
301
كود المدونة او الموقع
لإضافة مقطع يا دفان زينب بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يا دفان زينب - باسم الكربلائي
تاريخ الاضافة
2018-04-22 18:26:22
عدد الاستماعات
21
المدة
00:17:29
عدد التحميلات
301
نص هذا المقطع

القصيدة : يادفان زينب أوصيك بوصية
الشاعر : سجاد علاء المحمداوي

الرادود : الحاج ملا باسم الكربلائي

طور : ريت_السافر_يعود
المناسبة : شهادة السيدة زينب ١٥ رجب ١٤٣٩ه

حسينية الحاج داود العاشور _ البصره

يادفان زينَب أَوَصيك إبوصيَة
لا تلچم مَتنهَة مامحتاجَة أَذيَة
******
يادفان اذا ماتدري بيهَة
هاي إگبالهة ذبحَوا وليهَة
راح اليوم أسولفلَك عليهة
ترة زينب شَهَر تشگُف بديهَة
وكت خَلَة الأميرة يسَموهَة السبية
لا تلچم مَتنهَة مامحتاجَة أَذيَة
******
بس جَرح إبجَرح گَضَت عُمرهة
فگَد احبابهة بالطف كسَرهَة
اذا رايد توَسدهَة إبگبُرهة
إعلة مهلك منكسُر زينب ظَهرهَة
أَحلفَنَك بأبوهَة حماي الحمية
لا تلچم مَتنهَة مامحتاجَة أَذيَة
******
إكتب عالگَبُر من بَعد إسمهة
زينب قَدَس اللهُ أَلمهَة
الرُحمَت بالزَمَن بس ما رُحمهة
ذبح دَلالهة الذَبح زلمهة
إبصدر إخوَتهَة داسَت خيلّ الأعوجية
لا تلچم مَتنهَة مامحتاجَة أَذيَة
******
مشَت مَشيَت خليل إبلا خَليلة
مكفولة اُو صُفَت هية الكفيلة
ياهي إتيَسُرت مثل العَقيلة
هم شايف اميرة اعلة الهزيلة
مَ أتنام العقيلة لو نامَت رقية
لا تلچم مَتنهَة مامحتاجَة أَذيَة
******
يتيمة اُو ضَلَت إتحامي اليتامة
مشَت مَحنيَة بس مرَفوعة هامة
كل العُمُر تحلَّم بالسلامة
لمَّن يحترگَ عشهَة الحمامة
والذبحَوا هَواهَة تمشي إبلايَة ريَة
لا تلچم مَتنهَة مامحتاجَة أَذيَة
******
بأرض الشام من گَرَب أَجَلهَة
تمَنَت زينب إيحظرون أهلهة
بچَت وإتذكرت ماواحد إلهة
عمت عيني الاهل مذبوحة كلهة
من الذَبحوهُم ماضَلَوا بَقيَة
لا تلچم مَتنهَة مامحتاجَة أَذيَة
******
لمن حانَت اللحظة الأخيرة
إب آخر لحظة من عُمر الأميرة
چَنهَة إتصيح وإبداخلهة حيرة
إجيتك خوية يابدر العشيرة
گمر هاشم يتاني إختة الهاشمية
لا تلچم مَتنهَة مامحتاجَة أَذيَة
******
طلعَت من جَسدهة الروح مرتين
اول مرة ماتت وي الحسين
اُو موت الشام صار الواحد إثنين
بَلكي الموت يجمَعّ بالبَعيدين
إتمَنَت بالحَبايب تجمَعهَة المنيَة
لا تلچم مَتنهَة مامحتاجَة أَذيَة

المرسل: الأحد, 03 كانون2/يناير 2021