Fri20220128


دكت الجبال

باسم الكربلائي

عدد التحميلات
300
كود المدونة او الموقع
لإضافة مقطع دكت الجبال بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
دكت الجبال - باسم الكربلائي
تاريخ الاضافة
2018-04-22 18:25:29
عدد الاستماعات
14
المدة
00:20:03
عدد التحميلات
300
نص هذا المقطع

القصيدة : دكت الجبال

الشاعر : ناظم الحاشي

 الرادود : الحاج ملا باسم الكربلائي

طور : حزنت _ السماء اقطع _ الكلام

المناسبة : شهادة السيدة زينب ١٩ رجب ١٤٣٩هـ

جامع وحسينية الرسول الاعظم _ بغداد

 

دُكت الجبال ..

وانتِ ظليتي جبل يصعب زواله

انتهى القِتال

وابتدى ابصوتچ على الظالم قِتاله

ثــورة تِـلـهــب ... وانـتِ زيـنـب

******

دكت جبال الأرض وانتي البقيتي

وانحنت للقاع كلها وما انحنيتي

شلتي چفج تمطر الدنيا اندعيتي

حتى لا ينشاف دمعج لو بجيتي

ياريت العِده .. تشوفج صامده

انتي القائده .. للهواشم

دمعتج محال ..

توقع قبال الاعادي مستحيلة

والحرب سجال ..

وانتي حاربتي بصمودج يالعقيلة

غيرة الأب وانتي زينب

******

انتي علمتي البطولة اعله البطوله

واليشم عطرج يشم عطر الرجوله

مثل يحيى ومثل ريحانة رسوله

انتي كامل عقلج بسن الطفوله

لبوة حيدره .. ما مثلج حيدره

بس امج ترى .. الله عالم

صرخة الضمير ..

صارت بصوتج يَ بِتْ حامي الحمية

ما إلج نظير ..

وانتي هزيتي العروش الناصبية

أمرج أوجب وانتي زينب

******

عن صبر أيوب قبلج سولفوا لي

والقرين البالصبر مثلج لقوا لي

لو ما بالقرآن صبره ووضحوا لي

قلت ما أصبر لَمَنْ عنج حجوا لي

من صبرج أبد ماصابر احد

والقال انوجد .. هذا واهم

للصبر حدود ..

ياللي صبرج ماعرف واحد حدوده

كعبة الوجود ..

وانتي زينب للصبر كعبة وجوده

لكِ يُنسب وانتي زينب

******

بيا اخت ذاكَ الفلا كاسر جوابج

وگع جفه وماقبل يوگع حجابج

من الزغر شيبج كِتل فرحة شبابج

عرش ربج زينب اهتز لمصابج

هزيتي السمه .. يا بت فاطمه

واليطلب دمه .. ثاره قائم

هذا مستحيل ..

ينسى ثارج صاحب الطلعة البهية

غيرة الكفيل ..

والامام المهدي ميعوفج سبية

ثاره يُحسَب وانتي زينب

******

ياهي مثلج للشكر تسجد لِگُوها

قبل ساعة قبالها يذبحون اخوها

انتي بس انتي الوحيدة يوصفوها

الله منطيها مثل ما منطي ابوها

يالبيج اعتله .. دينه بكربله

انتي البسملة .. والمكارم

صفوة النساء ..

الله بعده ماخالق فاطم مثلها

بيها كربلاء ..

ثورة ظلت لابعدها ولاقبلها

أعلى مرتب وانتي زينب

******

مثل هاجر اسمج اليِقْرَه بحروفه

شرط سبع أشواط يتحفى ويطوفه

هذا صحنج زمزم وبالشام أشوفه

بابه جف مقطوع يستقبل ضيوفه

يابنت الولي .. والقال ارحلي

ما رد وعلي .. لأهله سالم

تشهد النحور ..

يوم راد الناصبي يهدم مقامج

شيعي والغيور ..

سَوَّه طف ثاني يبت حيدر أمامج

كيف تُسلَب ! وانت زينب

******

جان متوقع يزيد يهز كيانج

مادرى الفقار موجود بلسانج

عرشه راد يطيح من خطبة بيانج

لهالسبب ما راد تبقين بمكانج

هزت مضجعه .. هاي الواقعه

والضدج سعه .. هذا ظالم

صحتي يا يزيد ..

اسعى سعيك وكد كيدك مايهمنه

يشهد الوريد ..

انت ماذليت واحد من زلمنه

هاشم أهيب وانتي زينب

******

لاجل تبجي العين لا نكتب قصيده

حسين بيها انذبحه مرتين بوريده

نخلي زينب خايفة وترجف وحيده !

يزعل العباس ونهين العقيده

زينب رائدة .. زينب خالدة

زينب قائدة .. هذا لازم

زينب الإباء ..

لا تخليها بوضع كلش ضعيفه

زينب الفداء ..

آية التطهير للعترة الشريفه

كوثر أعذب وانتي زينب

المرسل: الأحد, 03 كانون2/يناير 2021