Thu20181213


ياصبرنه ابتعد

باسم الكربلائي

عدد التحميلات
59
كود المدونة او الموقع
لإضافة مقطع ياصبرنه ابتعد بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ياصبرنه ابتعد - باسم الكربلائي
تاريخ الاضافة
2018-02-19 18:16:03
عدد الاستماعات
1
المدة
00:15:52
عدد التحميلات
59
نص هذا المقطع

 قصيدة : ياصبرنا ابتعد ماتت الوالدة

للشاعر : سيد عبدالخالق المحنة

طور : رواسي_الصبر

١٥ جمادى الأول ١٤٣٩ _ العاشور

يا صبرنه ابتعد ..... ماتت الوالده

وانه طبع الورد ..... عايش عله الندى

▪️▪️▪️▪️▪️

امي قبلة و اني اتوجه عليها

احلى ما بالدنيا شوفتها و حجيها

همي كله يروح من لمسة ايديها

رحمة الله و رأفته موجودة بيها

ما اظن باللحد .... تهجع الفاقدة

و انه طبع الورد ... عايش عله الندى

▪️▪️▪️▪️▪️

امي يا جلمة هلا الينقط ملحها

تبتسم كلها الي و تضم جرحها

امي دنيا و الظهر ذبحوا صبحها

يا فراشة من السمه و كسروا جنحها

راحت و اعتقد .... للعرش صاعدة

و انه طبع الورد .... عايش عله الندى

▪️▪️▪️▪️▪️

اني الحسين و شفت كسرة ضلعها

و ادعي يا رب انتقم من الصفعها

بوية يا حيدر صحت انظر وضعها

شافت الوالد اجى و مسحت دمعها

للضلع يستعد ... حيدر و شاهده

و انه طبع الورد ... عايش عله الندى

▪️▪️▪️▪️▪️

انتظر حيدر يجي و ندخل سوية

جنت احس فضة تضم سرها عليه

فاطمة طول الوقت تشتاق الي

اني استغني عنها تدري بيه

فضة شو ما ترد... انت متأكدة

و انه طبع الورد ... عايش عله الندى

▪️▪️▪️▪️▪️

من رحت ليها صحت يحبيبة قعدي

و النبي مشتاق الج جم زهرة عندي

انت ما ترضين اظل بالدنيا وحدي

يمة قليلي هلا و بوسيلي خدي

يالمرتّي الجبد ... لسة متوسدة

و انه طبع الورد ... عايش عله الندى

▪️▪️▪️▪️▪️

ونت عالمغتسل امي اسمعتها

اتقدمت خطوة و طحت لمن شفتها

يمة حاجيني بمحمد حلّفتها

فتحت الذرعان اليَّ و اشبقتها

يالعليج اعتمد ... مر عذابج بدا

و انه طبع الورد ... عايش عله الندى

▪️▪️▪️▪️▪️

انه شابق امي و دموعي اهلها

والدي يرفعني عنها و ارجع الها

اسمع املاك السمه نادت بعلها

يا علي هالمعضلة انت التحلها

يا علي و القصد ... ادفن العابدة

و انه طبع الورد ... عايش عله الندى

▪️▪️▪️▪️▪️

المرسل: الأحد, 24 حزيران/يونيو 2018
 
ياصبرنه ابتعد : باسم الكربلائي