Thu20201203


احزاني بيني وبينك

باسم الكربلائي

عدد التحميلات
236
كود المدونة او الموقع
لإضافة مقطع احزاني بيني وبينك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
احزاني بيني وبينك - باسم الكربلائي
تاريخ الاضافة
2018-02-08 17:26:34
عدد الاستماعات
16
المدة
00:18:31
عدد التحميلات
236
نص هذا المقطع

القصيدة : احزاني بيني وبينك

الشاعر : ميرزا عادل اشكناني

الرادود : الحاج ملا باسم الکربلائی

داخل القصيدة : عايلة_وأيتام

 ليلة ٩ جمادى الأول ١٤٣٩هـ | النجف

أَحزاني بيني اْو بينك

يا حيدر والله ايْعينك

إنته اِمْسح دمعة عيني

و آنه امسح دمعة عينك

*****

تشاركنه مِنَ أوَّل يوم

عله الحلوه اْو عله المرَّه

تقاسمتِ العُمُر ويَّاك

حصير اْو مَسْـنَـدِ اْو جَرَّه

نعيش ابيت چان اصغير

لچن بعيونه اشكبره

صبرنه اعْله الفقُر و الجوع

المهم خل تشبَع الفُقره

اثْـنين اِحنه اْو ربَّك شاهد

بس چان المصدر واحد

نورك شَعْ وسْط اِجبيني

اْو نوري شَعْ وسْط اِجبينك

*****

يحيدر هاجَرِت ويَّاك

عفِت مكَّه اْو صِرت بمرك

گلتلي اِعْله البَله اتصبرين ؟

گلِت روح الهوَه ابظهرك

صرتلك بالشِداد اِحزام

أشِد من عزمك اْو صبرك

لچن هاليوم إعذرني

إذا گلت الذي ايْكسرك

يا حيدر گرَّب موتي

شيِّع بيدك تابوتي

خل سلمان اِعْله ايسارك

و المقداد اِعْله ايْمينك

*****

مثل ما نِقْسِم الخُبزه

تعال انقسِّم الوَنَّه

يوِن كل واحد ابطوره

اْو يظل كل واحده اْو فَنَّه

إلك صفنه ابتوالي الليل

چي محَّد وگف صفنه

و أنه ابنوحي أيَـبْـس أغصان

شِجرة طـُوبى بالجنَّه

عاوِنّي ابِّيت أحزاني

واحد ينحَب عالثاني

من أجلك صار اْونيني

او من أجلي صار اوْنينك

*****

مثل ما قسَّم الأرزاق

ربنه للحزِن قسَّم

رِزِقنه اْمن الحياة اجروح

لچن ياهو النصيبه أعظم

إنته التكظم اعْله الغيظ

و أنا البالمسجد أتكلَّم

إيدك بالحبل تنگاد

و إيدي ابسوط تتورَّم

ما بين الهَم و الغُـصَّـه

كل واحد ماخِذ حِصَّه

چَـوْيَة جمره ابچفّيني

اْو حزِّ الگيد ابچفّينك

*****

يومين العُمر گالوْا

يِعَـدَّن بالوَصِل و البين

لچن من دون كل الناس

نعيش الحسره باليومين

تعال اِنْـوَفِّي حگ النوح

اْو نِقَسْم أيتامنه نُصِّين

تنوح لزينب اْو چلثوم

و أنوح آنه لحسن و اِحسين

زينب مثلك تتچتَّف

تنجَر باچر برْض الطف

اْو مثل اضلوعي المهشومه

يتهشَّم ضلْع اِحسينك

*****

اِنْـتـشابه صِرنه يا بو احسين

ابلون اعِيونَّه الحمره

اِحمرَّت بالغضب عينك

و أنه احمرَّت من السطره

أشِد عِصَّابتي ابراسي

المثل وجهي صِفَت صفره

من اِهروشه إنگطَع گلبك

مثل ما گطعوْا الشجره

باچر من تِغمَض عيني

و ايْخلّص نوح اسنيني

أرتاح ابموتي اْو إنته

شيْخلّص نوح اِسنينك ؟

*****

تشاطَرنه المصاب ابحيث

صار اصوابك اصوابي

أهل دمعي عله امصابك

او تهِل دمعك عله امصابي

انكسرت شوكة الإسلام

يبو احسين ابْكسر بابي

حجاب الله انهتك و انداس

لـمَن داسوا عله أعتابي

حيهم يا حمزه اْو جعفر

اتصيح اْو لا واحد يحضر

خانت هالأمه ابعهدك

وين الأنصار اْو وينك

المرسل: الإثنين, 20 نيسان/أبريل 2020