Fri20180817


رديت دافن سما

باسم الكربلائي

عدد التحميلات
32
كود المدونة او الموقع
لإضافة مقطع رديت دافن سما بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
رديت دافن سما - باسم الكربلائي
تاريخ الاضافة
2018-02-05 18:53:19
عدد الاستماعات
1
المدة
00:21:55
عدد التحميلات
32
نص هذا المقطع

قصيدة : رديت دافن سما

للشاعر : إيهاب المالكي

 المناسبة : الليالي الفاطمية الثانية

ليلة ١٣ جمادى الأول ١٤٣٩ _ العاشور

رديت دافن سمه .. بيتك ابلا فاطمة

ونتك موت وحياة .. دمعك اويه الذكريات

رديت دافن سمه .. رديت دافن سمه

⁦▪️⁩⁦▪️⁩⁦▪️⁩⁦▪️⁩⁦▪️⁩

راجع بگلبك اثر وقع المصيبه

عالگبر من تبعد دموعك قريبه

ياعلي النسمه التجي بصدرك قريبه

هذا حال اليرجع ودافن حبيبه

دمع البچیته شكثر .. لمن حفرت الگبر

یاعلي رايد جواب .. هم بچه ویاك التراب

گد‌ ما بچالك ظمه .. گد مابچالك ظمه

⁦▪️⁩⁦▪️⁩⁦▪️⁩⁦▪️⁩⁦▪️⁩

فاطمه بگلبك جرح تركت وراها

عطر حزنك ياعلي ظل بثراها

يعينك الله اتحملت لوعة جفاها

النجمه صعبه تقبل تفارگ سماها

بس كلمة منك ردت .. من وادعتها شگلت

الحزن ذاك عجیب .. حتی بالجنه نحیب

يعگوب هم رد عمه .. يعقوب هم رد عمه

⁦▪️⁩⁦▪️⁩⁦▪️⁩⁦▪️⁩⁦▪️⁩

من گبرها وصتك هاي الوصيه

من چنت ویه الحزن گاعد سویه

ارجع الدارك گرَبْ وکت المسيه

خاف زينب لوصحت تسأل عليه

خفت الجرح لايفز .. خليت گلبك حرز

من ردت تلقي السلام.. عانتك گلي الجدام

من جدمك تقدمه .. من جدمك تقدمه

⁦▪️⁩⁦▪️⁩⁦▪️⁩⁦▪️⁩⁦▪️⁩

من دخلت الدارك بوحشة ظلامه

بين وحشة فاطمه وبين اليتامه

منو گلك الحمدلله عالسلامه

بغار حزنك مابنت عش الحمامه

ليلك سِگَه شجم جرح .. وشلون طر الصبح

كلشي بحساسك حزين.. حتى ظلك بي انين

نبضك اسم فاطمه .. نبضك اسم فاطمة

⁦▪️⁩⁦▪️⁩⁦▪️⁩⁦▪️⁩⁦▪️⁩

شصبرت زينب لمن هلت دمعها

طفلة چانت والقدر بالأم فجعها

رادت تسألك تره ودمعك منعها

امي بويه شسوت وكسروا ظلعها

تدري العذر مو سهل .. لو راد امه الطفل

ياهو اليصبر عليه .. ويمسح ادموعه بإيديه

چف القدر يتمه .. چف القدر يتمه

⁦▪️⁩⁦▪️⁩⁦▪️⁩⁦▪️⁩⁦▪️⁩

وسط دارك ظلت آثار المنايه

هناكه سجادة نبي وهناكه آيه

تشوف دمعة فاطمه بكل الزوايه

من الباب المحترگ ظلت بقايه

وهنا المحسن وگع .. وهنا الباب اندفع

بعينك اجوبة السؤال .. مبينه آثار اغتيال

خطة جرح محكمه خطة جرح محكمه

⁦▪️⁩⁦▪️⁩⁦▪️⁩⁦▪️⁩⁦▪️⁩

من محمد بلغك أمره وقراره

الأمة راح تغدرك بنص العباره

گالوا مچتف علي بعهده ووقاره

وانت اليخاف القدر من ذو الفقاره

والله لولا العهد .. مايبقه منهم احد

حال عن ثار البتول .. مستحاك من الرسول

ماراد تسفك دمه .. ماراد تسفك دمه

⁦▪️⁩⁦▪️⁩⁦▪️⁩⁦▪️⁩⁦▪️⁩

ظنوا بمقتلكم تموت السيادة

مادروا مستشهدين من الولادة

اللي أثر بالمحب وأدمى فؤاده

الدفع بابك علي فعلاً تماده

باب اللي يستر هلك .. مو خشب اصلاً ملك

كلفه الرب الكريم .. يحرس الستر العظيم

فگد الطفل الّمه .. فگد الطفل ألّمه

⁦▪️⁩⁦▪️⁩⁦▪️⁩⁦▪️⁩⁦▪️⁩

المرسل: الإثنين, 25 حزيران/يونيو 2018
 
رديت دافن سما : باسم الكربلائي