Mon20210308


ليش هيج تغيرت

باسم الكربلائي

عدد التحميلات
248
كود المدونة او الموقع
لإضافة مقطع ليش هيج تغيرت بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ليش هيج تغيرت - باسم الكربلائي
تاريخ الاضافة
2017-11-26 17:20:05
عدد الاستماعات
12
المدة
00:13:49
عدد التحميلات
248
نص هذا المقطع

قصيدة : ليش هيج تغيرت

الشاعر : حمزة السماوي

 الرادود : الحاج ملا باسم الكربلائي

المناسبة : ليلة ٢٠ محرم ١٤٣٩ العاشور

 

ليش هيچ تغيرت

انت مو انت صرت

ما تحاجيني متت .. من سكوتك

******

علمتني الدنيا جذبة

و الهوَه عابر سبيل

ماكو شي بين الاخو

و الاخت اسمه المستحيل

منين ما عاين لوجهك

ألقى بيه دمك يسيل

رغم هذا لو طحت

من الهزل راسك يميل

طولك بطول الرمح

چم جرح كِلّك جرح

منذبح و انا انذبح .. من سكوتك

******

راسك بحضني وضعته

خوية ارجوك السماح

هوايه ضيم بقلبي خويه

أرد أسولف وأستراح

صعد منبر جدي شامت

و أذن عليّه جراح

أفلح اليضرب متنها

ألف حي على الفلاح

أشهد أن علي

ما حضر واستحملي

قاتِلَك هم قاتلي .. من سكوتك

******

راح أجيب الماي و أقرا

عالشفاه الذابلات

من عساه ببخت

ماي العلقم و ماي الفرات

الحجر صوب جبهتك

بويه بأثر تُرب الصلاة

ما ألوم الحجر حقه

منين له مثلي خوات

مثلي هم شايف مَرَه !

تبوس اخوها بمنحره

حيره خذت محيرة .. من سكوتك

******

صغار جنا وواعدتني

صحت مو قسمة ونصيب

و گتلي والعباس ماعوفج

وأظل يمج قريب

الموت مو قَطْعَة أنفاس

الموت من يرحل حبيب

الله لا ينطي الصحاري

و شيبك تسوي تريب

مسومر بـ حَرِّ الظهر

فاتح عيونك حُمر

من ترابات اليسر .. من سكوتك

******

انت ما موجود خويه

حين حرقوها الخيام

ليش اكو ارْمَادِ اعله وجهك

خويه وضِّح لي المرام

بأسفل التنور اسمع

نزلوا راس الإمام

نام بأحضان الحطب

من چان بأحضاني ينام

رؤيه شافوا فاطمه

تلطم و تبجي دِمَه

الزهره أول لاطمه .. من سكوتك

******

بعد فترة و راح أرجعك

للجسم بالأربعين

چنها مو أيام خويه

عدَّت بزينب سنين

قبل لا تعتذر آنا

أعتذِر لك يالحنين

بس أسألك لمن أرجع

شَرْد أقِل لام البنين

هاي أمنا الثانية

شكثر تدري امْتَانِيه

ثانيه تعد ثانيه .. من سكوتك

المرسل: الأحد, 10 كانون2/يناير 2021