Tue20210615


بعد انتظاري

جليل الكربلائي

عدد التحميلات
300
كود المدونة او الموقع
لإضافة مقطع بعد انتظاري بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
بعد انتظاري - جليل الكربلائي
تاريخ الاضافة
2017-10-15 16:09:27
عدد الاستماعات
11
المدة
00:09:34
عدد التحميلات
300
نص هذا المقطع

قصيدة : بعد انتظاري

للشاعر : السيد سعيد الصافي الرميثي

الرادود : الحاج ملا جلیل الکربلائی

بعد انتظاري...حان افتخاري
يولادي برباتي اتوافوني
******
من عادة لسان الأم عذوبة ايفيض تعبيره...قلب العدها يتوصف بكبر الدنية تصويره
و صوت أم البنين الصاح خل أهل الوفه بحيره...حلم الراود اعيوني أريد اليوم تفسيره
سهري و حناني...فرض امتحاني
أشرط دعاني...موعد ضماني
و حسين أميري...اتملك ضميري
حاضن وجوده اصبي اعيوني
******
منتظرة و أعد اشهور و أحسب بالليالي احساب...و ثوب اظنوني أذبنه و ألبس للفخر جلباب
و العزة تريد احزام بغير الهمه ما تنجاب...زلمه اللي يقبل الذلة بين الزلم ما ينهاب
يثبت وجوده...يوفي بعهوده
ساعة وروده...يضمن خلوده
و العزة شتلة...بالنخوة تعله
و الذلة مو ثوبي اتعرفوني
******
و آنا ببيت أبوي و طيف نشف ناظري اليدمع...جدامي قمر و انجوم قامت تسجد و تركع
تفسير الحلم لني نور من الظلام أطلع...و كرمني الجليل ببيت من جنة عدن أوسع
اتحقق مرامي...زاد احترامي
بحيدر إمام...اتعله مقامي
و الباري سرني...بيكم جبرني
و أم البنين ايسموني
******
حيدر من تقدم لي و بجاله ارتفع قدري...جنت بنذر مطلوبة و لازم اوفي بنذري
و أدري ينجرح قلبي و أدري مو سهل صبري...باجر من علي الكرار شنهي بالحشر عذري
يصعب جوابي...يشتد حسابي
لا يا شبابي...هين مصابي
يوم الجبتكم...فدوه انذرتكم
و اعليكم الواجب طيعوني
******
روضة من الوفه و الطيب كل وقته القلب أمكم...و ليل انهار بحسابه شريك اوياكم ابهمكم
أطلبكم سهر ليلي و ما يحتاج أحشمنكم...و بيا ضي وجه تدرون مرهون بنزف دمكم
و بزودي أنادي...هذا اعتقادي
صبري و جهادي...آخذ مرادي
و بقلبي حسره...لو جنتو عشرة
ما ظني بهالراي اتخلفوني

المرسل: الثلاثاء, 03 تشرين2/نوفمبر 2020