Sun20210620


صوبني مصابك يالاكبر

باسم الكربلائي

عدد التحميلات
3443
كود المدونة او الموقع
لإضافة مقطع صوبني مصابك يالاكبر بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
صوبني مصابك يالاكبر - باسم الكربلائي
تاريخ الاضافة
2011-06-07 08:52:49
عدد الاستماعات
899
المدة
00:05:39
عدد التحميلات
3443
نص هذا المقطع

قصیدة : صوبني أمصابك يا لأكبر
الشاعر : 
الأديب الحاج جابر الكاظمي

الرادود : الحاج ملا باسم الکربلائی

 

آيبني وفرحـــــة ايــــــــامي          يا نسمة شوگي وأحلامـــي

ابياعـين انظر جسمك دامي          طايح عـالتربان امــــــــوذر

******

يا زهرة اتعـــــــاب اسنيني          اگعد باصرني وحاچيـــــــني

اشلون ابها لحاله اتخلــيني          بين النار وبين العـــــــسكر

******

جيتك يا لأكبر للمـــــــصرع          شفتك بالميدان امگـــــــطع

ناديتك بلــسان المــــــــدمع          يبني أعله افراگك مـــا أگدر

******

اشلون اگدر أصبر ما أدري          ما ينفع بغيابك صــــــــبري

گبلك ريت اتصــــوب نحري          ولا شوفك مگطوع المنحر

******

جيتك بدموعــــــــي الهماله          شفتك يوليدي بهالحــــــاله

طايح ما بـــين الخــــــــياله          والخيل بجسمك تتعـــــــــثر

******

جيتك واصرخ يا بعد امــــك          يا وسفه امغسًّل مـــن دمك

واشلون اگدر أنظر جســمك          بتراب الميدان امعــــــــــفرّ

******

عين امك يبني اشظل بـــيها          بس الدمعات التجـــــــريها

والأم التفگـــــد غــــــــاليها          حگها اتنوح الليل وتســهر

******

نبلات أمصابـك صابــــــــني          دوهنّي افراگك دوهـــــــني

ناديتك يالغــــايب عــــــــني          ادري اخلافك راح اتحــــير

******

آنه المفجوعه المحــــــتارة          اتحملت الضيم وأخطـــــاره

گلبي لفگدك تسعر نـــــــاره          وما تخمد هالنار التســــعر

المرسل: الإثنين, 12 نيسان/أبريل 2021