Wed20220629


كربله لو كلها ماي

باسم الكربلائي

عدد التحميلات
371
كود المدونة او الموقع
لإضافة مقطع كربله لو كلها ماي بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
كربله لو كلها ماي - باسم الكربلائي
تاريخ الاضافة
2017-03-25 15:47:29
عدد الاستماعات
32
المدة
00:12:55
عدد التحميلات
371
نص هذا المقطع

قصیدة : كربله لو كلها ماي
الشاعر : حمزة السماوي

الرادود : الحاج ملا باسم الكربلائی
ليلة ١٠ محرم ١٤٣٨ - العاشور

 

كربلا لو كلها ماي والله ماتروي ظماي
******
كل مره ضحت ابنها من الثواكل
والرباب تصد لبوها بوجه خاجل
قلت زحمة وللحرب لازم اواصل
حجة چان الماي حتى اطلع واقاتل
وانا أدري الكلمة هاي والله ماتروي ظماي
******
لا فتى إلا انا بالطف نشيدي
راح أرجع ثار جسام وعضيدي
زلمة صاير حرمله ويوصل وريدي
وعلي ما أرجع إذا مو راسه بيدي
لو تجي الدنيا وراي والله ما تروي ظماي
******
القال عني زغير مايعرف مقامي
آني رايح للنهر أنصر إمامي
لا يظل قلبج رقية عليه دامي
راح أجيب النهر يم الخيمة ظامي
لو بحر تنزف دماي و الله ماتروي ظماي
******
عمي كافل زينب وبس وحده هيه
وآنا كافل سكنتي وكافل رقيه
ماكو شارب حتى ألزمنه بإيديه
راح أذب قماطي وأركض عالمنية
المشرعة تصير بقفاي والله ماتروي ظماي
******
بعيسى صارت معجزة تكلم بمهده
وآنا وي الموت راح أقعد له قعده
الكوفة راح أحرقها كلها بنظرة وحده
وآنا جيش الشام لارض الشام أرده
بالسهم راسم سباي والله ماتروي ظماي
******
آنا شخصيتي عجيبة احتارت الناس
من بعد عباس أصيرن ثاني عباس
عمري ست شهور بس مو هذا مقياس
لجل زينب شاب قلبي وشيب الراس
أرفع قماطي لواي و الله ما تروي ظماي
******
الوداع الوداع ياحبيبي ياحسين
حيدر حيدر حيدر حيدر حيدر
أبد والله يازهراء ماننسى حسيناه
******
أبوذيات والنعي :
عسن ماشوف صبح الحزن ينطار
يويلي شجم قلب بالألم ينطار
باجر هالوكت ياحرس ينطار
الحرس آني وشمر يفتر عليه
******
عيوني من الدمع وشلن وحسين
يربي الموت أهون إلي وحسين
انا بهالليل يم القمر وحسين
وباجر بس حرم وتلوذ بيه
******
ياليلى مروتج بعد ظلاي
ترى بس الدمع بالعين ظلاي
ناس البلحلم ما رأت ظلاي
أبشرهم ظهر باجر سبيه

المرسل: الأربعاء, 20 كانون2/يناير 2021