Mon20211025


شيعتها جروحك

باسم الكربلائي

عدد التحميلات
285
كود المدونة او الموقع
لإضافة مقطع شيعتها جروحك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
شيعتها جروحك - باسم الكربلائي
تاريخ الاضافة
2017-03-14 16:35:36
عدد الاستماعات
37
المدة
00:07:48
عدد التحميلات
285
نص هذا المقطع

قصيدة : شيعتها جروحك
الشاعر : حاتم صبري الكاظمي

الرادود : الحاج ملا باسم الكربلائی 

 

شيعتها جروحك والبقيه بروحك
على الراح مات الصبر
******
خلت الأخ من يسافر
للمنيه من يسد
بدار مذبوحه الزوايا
الضوه لمن يبتعد
ساعد الله الاخو لمن
يدفن الاخ باللحد
شبقت التوديع چنهم
ورد يشتم ورد
تشفي جرح الخوه .. ذكرياته الحلوه
عالاخوان صعبة الهجر
******
يكرة الدنيا اللي فارق
أخ حنين بهالزمن
اصعب اللحظات لمن
يلف جسمه بالجفن
حسين مارايد حياته
شلك بدنيا المحن
والله لو بيدك ردتها
تندفن ويا الحسن
لجن جايك دورك .. تنتظر عاشورك
بالطفوف أفجع أمر
******
يوصي وبآخر وداعه
الحسن محبوب النبي
حسين اتمناها منك
خويه واسمع مطلبي
عمامتها جدي محمد
بالقبر افرش لي بي
و امزج لي وي الجفن
ذرة تراب الزينبي
حتى اشوف بهيمه .. زينب ابلا خيمه
ضربها سوط الغدر
******
أمري هين يبو الأكبر
بالخفايا متضح
جم سهم ينصاب جسمي
والدمه مني يسح
جسمك يتاني يخيي
ألف وتسع مية جرح
راسي سالم يبن ابويه
وانت راسك بي رمح
جثتي اتدفنونه .. جثتك يسحگونه
الضلوع ما تنكسر
******
تخشع حروف المصيبة
لحالتك صعبه الكلام
ثلث ليالي تبقى عاري
و بالقبر عيني تنام
روحي تحضر وي أمنه
زينب تبجي والخيام
دمك امسح شيب راسي
وعالخيم اقرا السلام
اقرا وي ايتامك … فاتحه على اخيامك
جمر سال دمع اليسر
******
الحسن قلك جفن جسمي
شدة حيل ولا تحل
أرد احس باحساس زينب
من يقيدها الحبل
نكبة المظلومة اختنه
كلفه لا ما تنحمل
شاغله بس هاي فكري
شلون تركب عالهزل
حسرتي الحراقه … توگع من الناقه
وسف صار حادي الزجر

المرسل: الأربعاء, 20 كانون2/يناير 2021