Thu20210513


لا تنساها

باسم الكربلائي

عدد التحميلات
383
كود المدونة او الموقع
لإضافة مقطع لا تنساها بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
لا تنساها - باسم الكربلائي
تاريخ الاضافة
2017-02-19 17:12:39
عدد الاستماعات
60
المدة
00:12:06
عدد التحميلات
383
نص هذا المقطع

قصيدة : لاتنساها
الشاعر : ناظم الحاشي

 الرادود : الحاج ملا باسم الكربلائی


نار الباب مستعره تطلب ثار للزهره
لا تنساها
یوم اوداع والدها ویه الموت موعدها
لا تنساها
******
لاتنسی اللیله الما رادت فاطم تنساها
ترتاح الزهره بدمعاتك من تبچي اویاها
والدها و بس هو العدها راح و خلاها
و البنت التفگد والدها محد یرعاها
بالدمعات واسیها بضرب اصدور عزیها
لا تنساها
بالأحزان ساعدها یوم اوداع والدها
لا تنساها
******
فاطم لا متعوفك وحدك من اتناجیها
تنزل رحمة ربك یمك کل ما تدعیها
و ابوالدها بدمعة عینك من اتواسیها
تدفن نار ابیوم المحشر دمعه التبچیها
یالواسیت دمعتها شیعي و بیك غیرتها
لا تنساها
غیرك سیف ماعدها یوم اوداع والدها
لا تنساها
******
خل نبدي ابیوم البي حرگوا باب المصیونه
من دفعوها و صاحت بیهم لیش اتدفعونه
چنتوا اتدنگون اعلی أعتابه و هسه تحرگونه
یالبایعتوا الحیدر کلکم لیش اتنکرونه
و الأحداث نرویها حتی الناس تحچیها
لا تنساها
و الآلام شاهدها یوم اوداع والدها
لا تنساها
******
من شفت ابروحك ماتگدر خیبر توصلها
رحت لباب الزهره نارك بیدك تشعلها
یالخنت بربك و بدینك و أعرافك کلها
أشهد یا فاطم ماغیرك واحد کاتلها
بیدك مات محسنها مابرّیك لا منها
لا تنساها
مدها الید لاتمدها یوم اوداع والدها
لا تنساها
******
و الگالوا یهجر نعرفهم لیش ایگولوها
حتی البیعه القرها لحیدر هم اینکروها
حتی الآیات النزلها الباري ایرفضوها
قسمین الأمه بفعلتهم هاي ایقسموها
الأمه اثنین قسموها و الآیات خانوها
لا تنساها
کون اترید تنشدها یوم اوداع والدها
لا تنساها
******
ربکم راد الحیدر اول مو آخر راده
صرتوا القاده بأمر المنکر یا ألعن قاده
خالفتوا المختار المرسل یوم استشهاده
طالبتوا بثارات العدکم من دم أولاده
یالوافیت للعتره ذوله أعداء للزهره
لا تنساها
طعنت دین سیدها یوم اوداع والدها
لا تنساها
******
أسستوا الباطل و الباطل انتم أسبابه
بدلتوا أحکام الإسلام بأحکام الغابه
حیدر من عندکم بالمسجد طبرة محرابه
و حسین اعلی الگاع امگطع مسلوبه اثیابه
هاي أحقاد مکشوفه ضد الدین معروفه
لا تنساها
و التاریخ یسندها یوم اوداع والدها
لا تنساها

المرسل: الأحد, 24 كانون2/يناير 2021