Tue20200922


عاشق

باسم الكربلائي

عدد التحميلات
235
كود المدونة او الموقع
لإضافة مقطع عاشق بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
عاشق - باسم الكربلائي
تاريخ الاضافة
2017-01-09 00:00:00
عدد الاستماعات
50
المدة
00:15:15
عدد التحميلات
235
نص هذا المقطع

قصیدة : عاشق و قلبي الحنين الليلة ذايب

الشاعر : علي الخفاجي

الرادود : الحاج ملا باسم الكربلائی

عاشق  وقلبي  الحنين  الليلة  ذايب
روحي  مشتاقة لصوركم يل الحبايب

وين   مااكتب  مشاعر  القه  صوره
(للعراق)  الينبض  احساس بشعوره
تغفه  باحضانه  النوارس  من  تزوره
موطن    الاحرار   والناس   الغيوره
من  عشق هذا الوطن ما قول تايب
روحي  مشتاقه لصوركم يل الحبايب
*****
(للنجف)  مشتاقة  روحي  وللزياره
ماتلمني   القاع   لو  شفت  المناره
يبقه  (حيدر)  بلسم قلوب الحياره
واستراحوا    آدم    ونوح    بجواره
اضرحتهم  فاقت  السبعه العجايب
روحي  مشتاقه لصوركم يل الحبايب
*****
قبه  (حسين)  الذهب واسع مداها
ناشر    جناحاته   جبريل   بسماها
تستحي النجمات لو شافت ضواها
من    بعيد    قلوبنا   تحن   لثراها
بيها   دمعة  زينب  تخّضر  مصايب
روحي  مشتاقة لصوركم يل الحبايب
*****
نعم  آيه  من الوفه( العباس) اشوفه
جعفر    الطيار   يستقبل   اضيوفه
والفرات    الفايض   بغيرة   جفوفه
عالقبر   يندار   كل   يوم  ويطوفه
ريت   اويه  النهر  اوصل  للاطايب
روحي  مشتاقة لصوركم يل الحبايب
*****
كون   اهيم  وتنطوي  الوديان  اليه
و(للجوادين)   اعتني  بهاي  المسيه
لاتلوموني    بعشق    اهل   الحميه
روحي   مشتاقة  تزور  (الكاظميه)
علمتني  الدنيا  من  اشتاق  اعاتب
روحي  مشتاقة لصوركم يل الحبايب
*****
قصة  (الكاظم)  تظل قصة عجيبه
أنبياء    مامرت    بهيجي   مصيبه
يوسف  انفك  سجنه وتلاكه بحبيبه
(موسه) حتى اجنازته انشالت غريبه
دمعة    المسجون   تعثر   بالنوايب
روحي  مشتاقه لصوركم يل الحبايب
*****
روحي نجمة ليل واشتاقت للاحباب
شايل  السامره  لهفه  ودمعة اعتاب
والنسايم   من   تمر   وتحرك  الباب
تلجم جروح القلب واتهيج الصواب
من اطب (حضرتهم) اتروح المتاعب
روحي  مشتاقة لصوركم يل الحبايب

المرسل: الخميس, 16 نيسان/أبريل 2020