Wed20201028


ما مات اليكفلج

باسم الكربلائي

عدد التحميلات
336
كود المدونة او الموقع
لإضافة مقطع ما مات اليكفلج بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ما مات اليكفلج - باسم الكربلائي
تاريخ الاضافة
2016-10-23 16:47:59
عدد الاستماعات
263
المدة
00:15:41
عدد التحميلات
336
نص هذا المقطع

قصيدة : ما مات اليكفلج

للشاعر : حمزة السماوي

الرادود : الحاج ملا باسم الكربلائی

ما مات اليكفلج...ما عاش اليزعلج...راسي برمحه موجود
******
براس الرمح راسي ايعيش كل رحلة عذابج...من تمشين بالنظرات آنا أمسح تُرابج
لو هب ريح راسي يميل و يرتل حجابج...حيٌ يُرزق العباس تحت رحمة عتابج
اعتابج رحمة تنزل...براسي و أفز و أحمل...بحاجب ناظري الجود
******
عيني اتروح سهلة اتهون عندي المنحر اعيون...يوقع شعر راسي و كون ما توقع لج امتون
ليل انهار حر و ضيم ما ظل بالوجه لون...شالوا لافتة و بيها القمر ما رد يكتبون
و اليتشمت ايريد...أصفع بس لا أيد...خزرة عاذلي ازنود
******
بوقت الليل راسي اوياج نبجي اويه النساوين...بس وكت اللطم آنا أعتذر ما عندي جفين
شخبارج أقلج و انتي قولي وين ما وين...أقلج آنا إذا مو يمج أحرس راس الحسين
حر الظهر قاسي...و ظل الراسه راسي...احمايه و بيها معهود
******
عقدي اخيوط من رايتي ابثوبج و العباية...اسقي الخيط دمعة عين يكبر عمره راية
علاقتنة بداية و مستحيل إلها نهاية...حرز من الضرب إقري لي لو بس حرف آية
تلقيني آنا يمج...أبوس ايدج و أكلمج...اوفي اوياج الوعود
******
دخلي الشام لتخافين و احجي بصوتي أنفاس...زينب هاي يحتارون لو چن هذا عباس
لا تمحي الذكر و الله قولي بمعشر الناس...زينب چنتي و اتظلين زينب رفعت الراس
لا تمحوا ذكرنه...ابهالكلمة نصرنه...و هذا النصر موعود
******
النساء اتعلمت منج خدرها و غربة الشام...و آنا الناس تتعلم وفائي بأمر الأيام
عندنه شيعة تبجي و تصرخ ابكل وكت خدام...علم جفي الوقع يرفعلج ابكل شبر أعلام
من عندي الشعائر...يتعلموها باجر...طبّر راسي عامود

المرسل: الأحد, 27 أيلول/سبتمبر 2020