Sun20211128


يالراهب برسمه

باسم الكربلائي

عدد التحميلات
419
كود المدونة او الموقع
لإضافة مقطع يالراهب برسمه بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يالراهب برسمه - باسم الكربلائي
تاريخ الاضافة
2016-03-16 18:38:41
عدد الاستماعات
66
المدة
00:15:02
عدد التحميلات
419
نص هذا المقطع

قصیدة : یالراهب برسمه

  الرادود : الحاج ملا باسم الكربلائی 


يالراهب برسمه لا ترسمه بدمه
و اذا ما اتعرف مصابه
إسأله و إسمع إجوابه
لا ترسمه بدمه
******
راس الحسين اوي الضعن يمشي بمساره
لمن وصل يم معبد و دير النصارى
مثل البدر و من الرمح دمه يتجارى
و الراهب اتعجب منو بهالليله زاره
راس السبط زارك استقبل إبدارك
و اذا ما تعلم شجابه إسأله و اسمع اجوابه
******
لمن اخذ راس السبط و بچفه شاله
قرر يصوره الراهب و يرسمه جماله
بماي الورد غسل نحر دامي و حچاله
سبحان خالق صورتك جل جلاله
من تبدي باللوحه لا ترسمه جروحه
لونك تجهل صوابه إسأله و اسمع جوابه
******
يالراهب اترجاك لو ناوي تصوره
لا ترسمه بهذا الشكل مگطوع نحره
ارسم عيونه الساهرة من غير عبرة
من ترسم الحاجب ارسمه بلايا طبره
لا ترسمه إلا حين الذي تسأله
عليمن بدمه خضابه إساله و إسمع اجوابه
******
اقسم عليك بعيسى و القديسه مريم
إغسل من رموشه التراب الجامد بدم
لاحظ قبل لا تبتدي و بالرسمه تهتم
موضع جبينه و الحجر صابه و تهشم
لا ترسم الصورة و عمامه مكسوره
عن اللي بجبهته صابه اسأله و اسمع اجوابه
******
يالراهب و من قررت ترسم ولينه
شنهو اللي شاهدته نسألك رد علينه
بعده يون من نحره لو بطل ونينه
لمن رسمته مغمضه لو مفتوحه عينه
و انشد من اوداجه ياهو السلب تاجه
متدري شسوه سلابه اساله و اسمع اجوابه
******
يالراهب و راس السبط من ترسم شفاه
هاي الشفاه الذابله الـ بس تذكر الله
ارسمها مبتسمه رغم صرختها بالآه
لا تنرسم زرگه و تبين شدة اضماه
بعينك إذا شفته متفطره شفته
يراهب انشد اسبابه اساله و اسمع اجوابه
******
لا ترسم الخد التريب اللي تعفر
بالك تلون شيبته باللون الحمر
رجع ملامح صورتها و وجه التغير
تدري من الصحره و شمسها صاير اسمر
شوفه و لــ تتعجب من تنظره مترب
عگب ما تمسح ترابه اساله و اسمع اجوابه

المرسل: الإثنين, 25 كانون2/يناير 2021