Fri20210115


يوم واحد

قحطان البديري

عدد التحميلات
430
كود المدونة او الموقع
لإضافة مقطع يوم واحد بصوت قحطان البديري في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يوم واحد - قحطان البديري
تاريخ الاضافة
2016-01-26 09:20:43
عدد الاستماعات
72
المدة
00:17:38
عدد التحميلات
430
نص هذا المقطع

قصیدة : يوم واحد بيه عفتني

الشاعر : مهدي بارون

الرادود : الحاج ملا قحطان البدیری

يوم واحد بيه عفتني...الدنية كلشي شوّفتني

كافي و ارجع للخيم...قلبي ما يحمل ألم

كلشي صار اقبالي دم...من عفتني

 ******

وين ما أندل و اجيبك طف الموادع جبير...مثلي و يخليها أخوها إلها المعاتب يصير

اعذرني يا خويه الغيابك دمعي جان اشقد قصير...سبب شفت حسين شايل دم نحر ابنه الزغير

ما قدرت اعليك أبجي...أرد اجيك و يمك أحجي

من رجع لي بمنحره...قلت له أخويه اشأخره

ها شفت شنهو الجره...من عفتني

  ******

شلت طفل حسين و ارجع بالدمه الما تنمسح...اتشابقن عبدالله و أمه اتقله كاروكك يلح

ارجعت أشوف حسين وينه شفت راسه اعله الرمح...اشقد صلف ويايه دهري مهلة ما يمطي الجرح

يكتب الدم و آنا أقره...وينه عباس اعله نحره

بسمه يا خويه صحت...قمت إله و أركض رحت

بس عثر جدمي و طحت...من عفتني

  ******

شوف شنهو اشسوه بُعدك يالطحت يم النهر...لختك ارجع و الله كافي شفت أكثر من نحر

و اليزيد اعتابي خويه حسين من يمك حضر...جان بس مكسور ظهره و هسه هم صدره انكسر

من كثر ما خان دهري...خايفة هسه اعله نحري

صرت أخاف من الهوه...كل نهاري ابلا ضوه

عفته جرحي ابلا دوه...من عفتني

  ******

راجعة الصوب المخيم راجعة و كل انكسار...مدري يا خيمة أطبها يا هي ما مشتعلة نار

ابظلمة الدخان أشوفه مختنق حته النهار...خوف نيران و عساكر قلي شيلم الزغار

و اليتامة اقبالي فرت...بالحوافر خوية عثرت

دوست الحافر أجل...يعني جم طفل انقتل

جرحي ظل ينزف أهل...من عفتني

  ******

كلشي صار بيوم واحد قلبي بالطف انلجم...و راح أعذرك ما شفتني خوية بعيونك سهم

و الشمر من يحدي ضعني يعني بزنودك ألم...و الذبحني يا بو فاضل الشمر مر يمي ابتسم

قوم يا عباس إليه...ما أريد أمشي سبية

تعلم اشبية حزن...تستمع لي من أون

تدري يا لون المتن...من عفتني

  ******

ها يخوية اشقلت ترجع لو أحلفك بالعبي...و راح أظل اليوم كله عله التل الزينبي

ما أريدن كلشي منك هوه هذا مكلبي...قلي ناوي اترد لي باجر حته ما أروح السبي

ارجع و نرجع سوية...ما أريد الغاضرية

نرجع الذاك الوضع...نعلق الجاسم شمع

و لا نعيش اويه الدمع...من عفتني

المرسل: الخميس, 03 كانون1/ديسمبر 2020