وليدي القمر

القصيدة : وليدي القمر مكتوبة
الشاعر : إيهاب المالكي
الرادود : الحاج ملا باسم الكربلائي

وجه السما الخالي ما بيه قمر عالي
يمكن مشى الغالي
******
أنا أعرف اوليدي القمر ، كنت أحلف بزوده
مايخلف وعوده ، لو قطعوا ازنوده
أنا أم الـ يبيض الوجه ، ع الوفا ربيته
وبصغره حاجيته ، بحسين وصيته
أسمع صدى بروحي أتباهى بجروحي
وأتخيله ابالي ، يمكن مشى الغالي
******
عباس إذا بعدك عدل ، ظلمة السما اشبيها
إلا أنت مو بيها ، كنت أنت ضاويها
بس لا حسين بلا ضوا صبح الحرب ظلمة
من ضيك اتحرمه ، معقولة يا يمه ؟
اقنعني بغيابك قلي السهم صابك
خل تعرف آمالي ، يمكن مشى الغالي
******
كل حلم مر اعلى الجفن ، بغيابك اتفسر
بس يمك اتحير ، من أوصل اتعثر
دورتك بروحي وشفت ، بيَّ الحزن ديرة
يا صاحب الغيرة ، تدري البعد حيرة
دورتك بليلي أتعب وألم حيلي
لكن قلت تالي ، يمكن مشى الغالي
******
ويا من أبعث لك خبر ؟ ،متحيرة بهايا ،
يالتاخذ احجايا ، لا توقع الرايه
أحرس خيم زينب مثل ، وقفة علي لطه
مو تنسى ترعاها ، يالرايح اوياها
خليها بعيونك من تبقى من دونك
يبقى الضعن خالي ، يمكن مشى الغالي
******
عطشان أحسك ما رويت ، بريجك ولا قطرة
أمك وبيك أدرى ، إحساسي ع الفطرة
أيه يمه ظل ظامي ، ما شربت عيالك
والماي إذا جالك ، خل صورتي اقبالك
شوف النهر وينه ، وديه على إسكينة
قله اخبر عيالي ، يمكن مشى الغالي
******
يا وليدي صدرك لا يظل ، ما بيه أثر نبلة
صح هيا مو سهلة ، بس الحسين أغلى
واتوادعوا وبجوا الصخر ، واتذكروا العشرة
هوا البعد فترة ، وتجمعكم الزهره
وأنا أشعر امصابي ، من ترحل أحبابي
من حزني يصفى لي ، يمكن مشى الغالي