Fri20210122


توديع الخيام

باسم الكربلائي

عدد التحميلات
864
كود المدونة او الموقع
لإضافة مقطع توديع الخيام بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
توديع الخيام - باسم الكربلائي
تاريخ الاضافة
2015-11-05 09:09:28
عدد الاستماعات
170
المدة
00:06:45
عدد التحميلات
864
نص هذا المقطع

القصيدة : توديع الخيام
الشاعر : صفاء الدفاعي
الرادود : الحاج ملا باسم الكربلائي

ليلة العاشر ظلام اموادع ابين الخيام
خيمة خيمة اتوادعت قبل توديع الإمام

اموادع ابين الخيم وليلة العاشر سكون
خيمة خيمة اتقابلن ماظن العشرة تهون
الله لا ينطي اليقول الخيمة ما عدها عيون
الفجر عيون الحجر صاحب الكن فيكون
جانت الخيمة تشوف كل تضاريس الطفوف
تسمع احساس الأرض ردت إعليها السلام
******
خيمة الأكبر علي ينسمع منها الدعاء
وقفت ابين الخيم بيها ريحة انبياء
بيها قرآن انقرا يوسف وشمة رداء
بين خيل النبي واعتلى منها البكاء
والخيم كلها تقول طلعت أنوار الرسول
يا محمد نادته تنذبح والله حرام
******
خيمة القاسم فجر اتوضه من نهر العفاف
والده وشاب وحلم حنه وشموع وازفاف
خيمة متروسة دمع زهرة حلوة إعلى الضفاف
باجر يموت الورد من تمر ريح الجفاف
دارت عليها الخباء ودعت بدر السماء
تدري لو طر الصبح ينخسف بدر التمام
******
خيمة ما إلها إسم جارت إعليها السنين
راح اسميها قلت خيمة الحب والحنين
خيمة من دون الخيم بيها بس طفلة وجنين
من غفت يم المهد حلمت براس الحسين
محد إعليها يفوت بس يمر بيها يموت
يا رقية لو هتف بالسما يموت الحمام
******
خيمة صامت عالوفا وفطرت بإسم الكفيل
ما غفى اعليها علم يحرس اخيام العليل
الخيمة من تخجل نهر تعرق جفوف ونخيل
وقفت اقبال الخيم صارت بهيئة سبيل
صاحت إبزينب تعاي وفاضت إعلى الدنيا ماي
الغيرة من تطفح شرف حاشه عالذلة تنام
******
خيمة حسين السبط إلبيها أسرار الوجود
اتوصطت بين الخيم تدري باجر ما يعود
مثل يعقوب وهله التمت خيام الورود
طيحت كلمن عمد وصارن بوضع السجود
الخيم حست بالضياع ركعت وسجدت وداع
باجر بنار السبي اتودع وداع الختام

المرسل: الثلاثاء, 15 كانون1/ديسمبر 2020