أيامي ليالي

قصيدة : أيـامـي لـيـالـي

الشاعر : مقداد الهمداني

الرادود : الحاج ملا أحمد الباوي

أيـامـي لـيـالـي...يـا ضـيـم الـجـرالي
نــيـران الـرزيـه...راوتـنـي الـمـنـيـه
يـا ضـيـم الـجـرالـي...يـا ضـيم الجرالي
******
مـدري أربـعـيـن حسين مدري عاشر إبعاشور
مـا هـمـنـي أنا التاريخ المهم بالدنيه ما ظل نور
تـلاقـوا جـابر و حيدر و دمعهم عالوجن منثور
و صبح قبر الغريب حسين غصن ناحت عليه الطيور
و إتـجـلـه إبـدمـعـهـم...هـالهم الجمعهم
دمـعـتـهـم  جـريـه...يـم إبـن الـزجيه
مـا بـيـن الـعـوالـي...يـا ضـيـم الجرالي
******
عـلـه الـمـذبح وقف حيدر دليله يلتهب بالنار
يـنـوح  و ينتحب و يقول يجابر ما دريت إشصار
و هـالـحـال التنوح إعليه قبله إعله الزجيه إندار
إذا إبـنـي إنـذبـح بالسيف ذبحها فاطمه المسمار
جـم  سـهـم الـلـي صوب...دلالي و تعذب
ذبـحـتـنـي الـمـصـيـبه ...إبهالحاله الرهيبه
قـوم إبـجـي إعـلـه حـالي...يا ضيم الجرالي
******
يـشـاهـد  جـابر  إبعينه الدمعها المنجفن حيدر
يـسـمـعه من يصيح إشلون يجابر ينشف الكوثر
يـجـابـر لا تـظل مذهول إذا صدر إبني يتكسر
تـراهـا  فـاطـمـه  قبلك ضلعها هشمه الأبتر
و إنـقـطـعـت وردتـي...يـا مـصعب محنتي
سـاعـدنـي إبـمـصـابـي...يـا جابر عذابي
مـن  كـل صـوب إجـالـي...يا ضيم الجرالي
******
يـجـابر حق إلك تنحب إذا شفت الرضيع إنصاب
إشـجرالي  منحني  ظهري أنا جده القهرت أحزاب
إنـحـنـه لمن ردت محسن أشيله من عله الأعتاب
و  مـن ذاك الـوكت لليوم يجابر هالظهر ما طاب
مـا  طـابـت  جـروحـي...عاوني إعله نوحي
شـيـل إويـايـه هـمـي...يحني ظهري هضمي
و عـمـري مـا هـنـالـي...يـا ضيم الجرالي
******
عـلـه  شاطي  الفرات إهناك إبني الكل وعد يوفي
يـجـابـر  مـصـرع العباس نار و تحرق إبجوفي
أسـألـك بـس سؤال إسمع تراني عجزت إحروفي
يـجـابـر  قطعت إجفوفه أشد لو ربطت إجفوفي
و  إتـعـنـه الـشـريـعـه ...بمصاب الوديعه
و بـدمـع الـمـحـاجـر...و بـحـزنـي يجابر
أخـتـم لـك مـقـالـي...يـا ضـيم الجرالي